НЛБ Комарцијална банка АД Београд (NLB Komercijalna banka AD Beograd) донесе одлука за повлекување на своите акции од Белградска берза.
Во соопштението од банката, кое е објавено на официјалната интернет страница на Белградска берза, се наведува дека одлуката за повлекување од регулираниот пазар и прекин на статусот на јавно друштво е донесена на вонредната седница на собранието на акционери на банката, кое се одржа вчера.
Констатирано е дека НЛБ Комерцијална банка има издадено вкупно 18.476.386 обични акции со право на глас и 393.510 приоритетни акции. При тоа, и двата типа акции се со поединечна номинална вредност од 1.000 српски динари, или 8.52 евра.
Нова Љубљанска банка (Nova Ljubljanska banka d.d. Ljubljana) е стопроцентен сопственик на сите издадени акции. Во постапка на принуден откуп, оваа банка ги откупи акциите од помалите акционери. Земајќи предвид дека сега Нова Љубљанска банка е сопственик на 100 проценти од акциите на друштвото, аналитичарите на нашиот портал оценуваат дека раководството одлучило да не плаќа повеќе надомест за котирање на берзата.
Ѓорѓе Џукич, професор на Економскиот факултет во Белград, за Блумберг Адриа вели дека ваковиот потег не е очекуван, напоменувајќи дека НЛБ групацијата, во чиј состав од неодамна е и Комерцијална банка, тргува на Љубљанската берза.
„Се работи само за уште еден доказ, со кој се отсликува состојбата на пазарот на капитал, каде нема добра перспектива со тргувањето со акции ниту во финансискиот сектор, ниту во нефонанскиот сектор“, вели Џукич, според кого процесот на стагнација на пазарот на капитал трае веќе долго време.
.webp){kind=icon}
