Американските берзи во петокот го завршија тргувањето во црвено, а главна причина беше одлучниот говор на претседателот на централната банка (ФЕД), Џером Пауел, кој најави дека покачувањето на каматните стапки ќе продолжи.
Говорот на Пауел беше главната вест во петокот попладне, при што инвеститорите со нетрпение ги очекуваа неговите најави. Но, она што им го кажа Пауел не беше особено охрабрувачко - во борбата против инфлацијата ќе продолжи тешката политика на зголемување на каматните стапки.
Веднаш реагираа американските берзи кои зад себе имаат многу лош петок. Индексот Dow Jones изгуби повеќе од 1.000 поени или добри три отсто, додека индексот S&P 500 имаше уште полош ден, губејќи дури 3,37 отсто од почетокот на тргувањето.
На удар беше и технолошкиот индекс Nasdaq, кој загуби речиси 500 поени или нешто помалку од четири отсто. Цената на нафтата вчера благо порасна на берзата во Њујорк, за барел West Texas Intermediate (WTI) требаше да се плати 92,93 долари, додека барел северноморска нафта Брент поскапе за 1,42 долари и го заврши тргувањето над 100 долари.
BGCI:IND
BBG Galaxy Crypto Index
1.069,12 USD
-73,97 -6,47%
почетна цена
1.069,12
претходна цена на затворање
1.143,09
промена од почетокот на годината
-59,85882%
дневен опсег
1.069,12 - 1.069,12
опсег на 52 недели
851,65 - 3.966,17
Криптовалутите исто така имаа сличен лош ден, со тоа што биткоинот вчера изгуби речиси пет отсто и застана малку над границата од 20.000 долари, но во раните утрински часови, денеска, цената на биткоинот повторно малку порасна. Етер помина уште полошо, губејќи речиси десет отсто од својата вредност.
Падна и цената на златото, се намали за 1,23 отсто, па цената за унца беше 1749,70 долари.
.webp){kind=icon}
