Светските берзи на шестмесечен минимум

Акциите паднаа заедно со нафтените договори и на европските и на американските берзи, а доларот скокна поради тоа што карантинот во кинеската метропола и алармот на Европската централна банка (ЕЦБ) дополнително ги размрдаа нервите на инвеститорите.

Глобалниот индекс на акции е на шестмесечен минимум поради падот на азиските акции за повеќе од 1,5 проценти, најмногу поради повлекувањето на тргувањето во технолошкиот сектор. Надолу се лизнаа и S&P 500 и Nasdaq 100 индексот за повеќе од 1 отсто.

Кина го затвори Ченгду, град со 21 милион жители поради закана од ново распространување на Ковид. Тоа е најголемиот кинески град, кој што се соочува со такво ограничување на движењето по двомесечната криза во Шангај претходно.

Тремата на пазарот доаѓа поради релативно лошиот месец на америкснаките акции, рефлектирајќи ги стравовите од економски пад и рестриктивната политика за борба против инфлацијата. Поради глобалната распродажба на двегодишните обврзници, достагнат е принос од 3,5 отсто, прв пат по 2007 година.

Најголемите валути и тие поврзани со одредени стоки останаа слави, додека јапонскиот јен падна на нови најниско ниво во последните 24 години, приближувајќи се на ниво од 140 долари.

Акциите влегуваат во нов месец, откако во август лошите приноси беа честа појава во сите форми на тргување. За тоа доста значајна улога имаат американските Федерални резерви (ФЕД), кои водат доста остра монетарна политика во обид да ја зауздаат инфлацијата, дури и по цена економијата да влезе во рецесија. Инвеститорите се обложуваат на ново, умерено зголемување на каматната стапка. Од друга страна, глобалните обврзници се ближат кон првиот мечкин пазар во генерацијата.

„Пазарот добива порака дека ФЕД ќе се бори со инфлацијата по секоја цена“, изјави за Блумберг Радио Френсис Стенли, директорка за стратегија во Optimal Capital Advisors, додавајќи „не мислам дека го допревме дното оваа година“.

Нема намалување на каматни стапки

Претседателката на ФЕД во Кливленд, Лорета Местер, повтори дека централната банка треба да ја зголеми својата референтна каматна стапка над 4 проценти до почетокот на следната година. Рече дека не очекува намалување на каматните стапки во 2023 година.

Што се однесува до нафтата, таа суровина се движи на некоја граница околу 89 долари за барел. Поточно, загуби 0,7 проценти од вредноста и сега е на нови од 88,96 долари за барел. Агресивното заострување на политиките од ФЕД и предупредувањата од Кина ја намалуваат побарувачката.

Биткоинот ослабна се движи околју нивото од 20.000 долари, а златото падна, а среброто се лизна на најниско ниво во последните две години.

Златните прачки за време на тргувањето загубија 0,2 проценти од својата вредност и сега унца се продава за 1.707,64 долари.