Акциите во Европа и Азија се тие кои денеска го поставија темпото на раст додека американските фјучерси ја задржаа добивката бидејќи трговците се обложуваат дека намалувањето на каматните стапки од страна на американските Федерални резерви (Фед) ќе помогне во поттикнувањето на глобалниот раст до крајот на годината.
Европскиот индекс Stoxx 600 порасна бидејќи технолошките и автомобилски акции постигнаа подобри резултати. Азиските акции досктигнаа највисоко ниво за повеќе од две недели благодарение на силата на јапонските „тешкаши“ како што е „Софтбанк груп“ (SoftBank Group Corp). Фјучерсите на индексот S&P 500 беа малку променети откако референтната вредност порасна во седум од последните осум сесии.
Bloomberg Mercury
Глобалните обврзници ослабеа, предводени од зголемувањето на приносите во Јапонија. Расположението се промени по извештајот дека Банката на Јапонија веројатно ќе ги зголеми каматните стапки овој месец, ублажувајќи го претходниот поттик од силната 30-годишна аукција. 10-годишната каматна стапка на американските државни обврзниципорасна за два базични поени, на 4,08 проценти. Доларот остана непроменет, додека биткоинот се задржа над 93.000 долари.
Податоците кои сè повеќе укажуваат на притисок врз американските потрошувачи и пазарот на трудот ги зајакнаа очекувањата за намалување на каматните стапки од страна на Фед следната недела. Во прилог на расположението оди и уверувањето дека Фед ќе биде попустлив под водство на новиот претседател, што помага акциите да го вратат моментумот по ноемвриското повлекување, што беше поттикнато од грижите за големите проценки за технолошките компании.
„Гледаме дека расположението ќе остане позитивно до крајот на годината и се надополнува на нашите биковски позиции“, рече Мохит Кумар, главен економист и стратег за Европа во „Џефрис“ (Jefferies). „Неодамнешниот наплив на нестабилност беше здрава корекција“.
.webp){kind=icon}
