Медиумската група на семејството Трамп објави нето пад од 405,9 милиони долари во првиот квартал, во голема мера предизвикан од нереализирани загуби кај криптовалутите што ги поседува компанијата.
„Трамп медија и технолоџи груп“ (Trump Media & Technology Group Corp), која е матична компанија на Трут сошл (Truth Social), ги објави своите резултати за првиот квартал од 2026 година во петокот, известувајќи за позитивен оперативен паричен тек од 17,9 милиони долари и 2,1 милијарди долари финансиски средства, што е трипати повеќе од средствата од истиот период пред една година.
Прочитај повеќе
Сејлор: „Стратеџи“ размислува за продажба на биткоини
„Го откупувате биткоинот со кредит, дозволувате вредноста да расте, а потоа го продавате биткоинот за да исплатите дивиденда“, рече тој.
06.05.2026
Биткоинот достигна 12-неделен максимум поради оптимизмот за договор со Иран
Оригиналната криптовалута порасна за дури 1,6 проценти на 79.488 долари, што е највисоко ниво од 31 јануари.
27.04.2026
Пазарот чека сигнал: Што ќе биде клучно за идните движења на биткоинот
Од избувнувањето на конфликтот на Блискиот Исток, највредната криптовалута прво нагло падна бидејќи инвеститорите ја третираа како ризична актива, за брзо да закрепне и да осцилира во следните денови, без јасно и конзистентно однесување на безбедно засолниште на пазарот.
15.04.2026
Сепак, инвестициите на компанијата во криптовалути на врвот на пазарот минатото лето доведоа до стотици милиони загуби во овој квартал. Близу 370 милиони долари од загубите на компанијата дојдоа од нереализирани обврски кај дигиталните средства и акциите.
„Трамп медија“ моментално има над 9.500 биткоини во својата ризница и ги купи дигиталните средства минатиот јули по просечна цена од 108.519 долари, според „Коин геко“ (CoinGecko). Компанијата продаде 2.000 биткоини кон крајот на февруари, кога цената на дигиталната валута беше нешто под 70.000 долари.
Моментално, вредноста на биткоинот е проценета на нешто над 80.000 долари, по драматичниот раст во текот на минатата година, кога дигиталната валута достигна врв од 126.000 долари во октомври, пред драматично да падне на 60.000 долари на почетокот на февруари.
Извршниот директор на „Трамп медија“, Девин Нунес, поранешен републикански конгресмен од Калифорнија, се повлече на 22 април. Акциите на компанијата паднаа за повеќе од 90 проценти од почетокот на 2022 година, кога пораснаа за дури 97,54 долари. Моменталната цена на акциите е 8,93 долари.
„Трамп медија“ е матична компанија на мрежата на социјалните медиуми што претседателот Трамп ја лансираше откако Твитер го забрани по немирите на 6 јануари 2021 година во американскиот Капитол.
.webp){kind=icon}
