Вредноста на биткоинот продолжи да паѓа, носејќи го токенот на работ од 20.000 долари. Најголемата криптовалута потона за 8 проценти до 20.180 долари, што е најниско ниво од декември 2020 година. Биткоинот паѓа веќе девет дена, што е најдолгата серија на губитоци од 2014 година. Загубите на криптопазарот продолжија да бидат широко распространети, при што етерот падна за 10 проценти на 1.062 долари.
Сега, бидејќи цените продолжуваат да се намалуваат, има повеќе предвидувања дека загубите ќе се забрзаат бидејќи клучните нивоа на вредноста на овие криптио валути ќе бидат преминати.
„Доколку овие нивоа се скршат, биткоин од 20.000 долари и етер од 1.000 долари, можеме да очекуваме огромен притисок за продажба бидејќи дилерите ќе сакаат да се заштитат себеси“, рече во твит ко-основачот на „Битмекс“ (BitMEX), Артур Хејс.
Прочитај повеќе
Распродажба на крипто пазарот, биткоинот падна за уште 10 отсто
Токенот достигна најниско ниво од декември 2020 година
14.06.2022
Биткоинот падна на најниско ниво во последните 18 месеци
Најсилната криптовалута на светот падна за дури 12 отсто, на 23.981 долари што е најниско ниво од декември 2020 година
13.06.2022
Новото стравување на пазарот беше предизвикано во средата, откако основачот на „Three Arrows Capital“, влијателен хеџ фонд на крипто пазарот, објави нејасен твит.
„Ние сме во процес на комуникација со релевантните страни и целосно посветени да го решиме ова“, твитна поранешниот трговец на „Credit Suisse Group AG“, Жу Су од неговата потврдена сметка, без да даде дополнителни детали.
Вкупната пазарна вредност на криптовалутите се намали на 925 милијарди долари, според „CoinGecko“ од највисокото ниво од над 3 илјади милијарди долари во ноември.
.webp){kind=icon}
