По големиот интерес и возбудата што ја предизвика биткоин ЕТФ-фондот (анг. exchange-traded fund - берзански фонд) во Соединетите Американски Држави (САД), Европа исто така го очекува својот прв фонд од овој тип наменет за следење на криптосредствата. Во основа, ЕТФ е фонд со кој се тргува на берза, а кој следи различни видови средства, од акции и валути до стоки, или во овој случај криптовалути.
Првиот европски ЕТФ за биткоин треба да профункционира овој месец, по 12 месеци одложување поради таканаречената криптозима. Првиот европски фонд за биткоин го најави „Џејкоби асет менаџмент“ (Jacobi Asset Management) во јули минатата година. Поради колапсот на големите криптоинституции, првенствено пропастот на криптоберзата FTX и пропаѓањето на екосистемот тера-луна, идејата за овој ЕТФ падна во втор план.
„Имаше толку многу дезинформации и злоупотреба на терминот ETФ од страна на издавачите, веројатно за да се прикријат ризиците својствени за стекнување и инвестирање во ETН (анг. exchange-traded notes - вид должнички хартии од вредност со кои се тргува на берза)“, рече Питер Лен, коосновач и главен извршен директор на „Џејкоби асет менаџмент“.
Прочитај повеќе
Криптокриминалците лани украле 13 милијарди долари
Бројот на измами и кражби при користење криптовалути не е значително намален, и покрај падот на цената на дигиталните средства.
17.07.2023
Уште една австралиска банка блокираше „високоризични“ крипто-плаќања
Се ограничува пристапот до платформите со дигитални средства поради загриженоста од измами
17.07.2023
Банкарска прогноза упатува на раст на биткоинот до 120.000 долари
„Стандард Чартерд“ ги засили своите биковски прогнози отколу биткоинот, таргетирајќи 120.000 долари до крајот на 2024 година.
13.07.2023
Крипто: Индексот на страв и алчност по долго време во зелено
По последното ажурирање на индексот на страв и алчност, после долго време можеме да забележиме промена од неутрално во алчно расположение
05.07.2023
Треска во криптосекторот го лансира биткоинот блиску до едногодишен максимум
Биткоинот се движи околу својот едногодишен максимум додека менаџерот на средства „Фиделити“, наводно, ја подготвува својата пријава за фонд со кој се тргува на берза.
28.06.2023
За разлика од ETН, кои се должнички хартии од вредност што имаат датум на достасување и се обезбедени само со кредит на издавачот, биткоин ЕТФ што ќе го подготвува „Џејкоби асет менаџмент“ не може да користи таканаречен левериџ (анг. leverage) ниту други деривати, што инаку може да доведе до значителен ризик, потенцираат од друштвото за управување со инвестиции.
Bloomberg
Тој биткоин ЕТФ е одобрен во Гернзи, најзападниот каналски остров, кој има своја јурисдикција, што ќе го олесни неговото лансирање, бидејќи не е предмет на ексклузивна регулатива на членките на Европската Унија (ЕУ).
„Лансирањето на биткоин ЕТФ во Европа ќе биде проследено со големи регулаторни предизвици“, вели Мајкл О'Риордан, основач на консултантската компанија за дигитални средства „Блеквотер срч анд адвајсори“ (Blackwater Search and Advisory). Тој објасни дека Европската директива за колективно инвестирање во преносливи хартии од вредност не го смета биткоинот за прифатливо средство. Исто така, прашање е како MiCA ќе ги регулира биткоините ЕТФ.
Директниот прилив на средства во европските дигитални средства во изминатите 18 месеци акумулирал вкупно 483 милиони долари. Само третиот квартал од 2022 година донесе готовински прилив во вредност од 398 милиони долари. Вкупните европски дигитални средства изнесуваат 4,3 милијарди евра, додека врвот е забележан на крајот на 2021 година, со 10,5 милијарди евра, според анализата на „Морнигстар“ (Morningstar).
.webp){kind=icon}
Во моментов нема коментари за веста. Биди прв да коментира...