text size
Блокчејн-одделот на „Сосиете женерал“ (Societe Generale) ја доби првата лиценца издадена според новите француски криптоправила, со што се засили проширувањето на инвестициската банка во секторот за дигитални средства.
Француската Управа за финансиски пазари - АМФ (Autorité des Marchés Financiers) во вторникот го назначи „Сосиете женерал форџ“ (Societe Generale Forge) за давател на услуги за дигитални средства (анг. digital asset service provider - ДАСП), според веб-страницата на регулаторот. „Лиценцата ќе му овозможи на ’Форџ’ да ги исполни барањата на институционалните клиенти за дигитални средства’, рече извршниот директор на одделот Жан-Марк Стенгер во изјава во средата.
Лиценцата му дозволува на „Форџ“ да дејствува како чувар на дигитални средства, да организира купување и продажба на дигитални средства користејќи законско средство за плаќање, да тргува со дигитални средства за други дигитални средства и да прима и пренесува нарачки од трета страна за дигитални средства, според веб-страницата на АМФ.
Францускиот режим ДАСП е покомплексен од процесот за регистрација за криптокомпании, што не оди подалеку од барањето фирмите да ги исполнуваат правилата за спречување на перењето пари во земјата.
Откако Европската Унија претходно годинава усвои збир на правила за пазарите на криптосредства (познати како MiCA), сите криптопровајдери ќе мора да добијат целосна лиценца од земја-членка за работа во европскиот блок до јануари 2025 година.
.webp){kind=icon}
