Од која било причина, биткоинот повторно расте. Неодамна надмина 44.000 долари за прв пат од мај 2022 година. Со порастот на цената, се вратија и директорите од крипто пазарот кои повторно на елоквентен начин објаснуваат како, на пример, биткоинот ќе ја развие западната цивилизација. Тоа е стандардно кога има циклус на раст.
Сепак, сè уште не може да се забележи зголемена возбуда или интерес за оваа крипто валута како порано. Во продавницата за апликации на „Епл“, „Коинбејс“ (Coinbase) е 21-та најпопуларна бесплатна апликација за финансии. Таа го достигна првото место во октомври 2021 година, кога биткоинот имаше рекордна вредност.
Можеби најјасниот начин да се види недостигот од возбуда е едноставно да се прикаже цената на биткоин наспроти интересот за валутата преку „Гугл Трендс“ (Google Trends).
Прочитај повеќе
Сè што треба да знаете за биткоинот откако вредноста надмина 40.000 долари
Биткоинот годинава порасна за повеќе од 140 проценти, надминувајќи ги другите инвестиции, како акции и злато.
04.12.2023
Биткоинот достигна ниво од 40.000 долари за првпат од мај 2022 година
Биткоинот надмина 41.000 долари додека најголемото дигитално средство го продолжува закрепнувањето.
04.12.2023
Мајкл Сејлор купи биткоини за дури 600 милиони долари
Сејлор почна да купува биткоини во 2020 година, но годинава го засили тоа бидејќи криптовалутата закрепнува.
01.12.2023
Bloomberg
Не е изненадувачки што двата графикони имаат тенденција да се движат заедно со текот на времето. Кога вредноста на биткоинот расте, се зголемува интересот за валутата. Кога вредноста се намалува, луѓето губат интерес и продолжуваат понатаму.
Но, оваа година иако имаше прилично драматичен пораст на цената, засега има скромен интерес за биткоинот. Времето ќе покаже дали за неколку месеци повторно ќе се врати лудилото по крипто валутите или интересот целосно ќе избледнее.
.webp){kind=icon}
