Криптопазарот крвави: етерот загуби четвртина од вредноста, биткоинот е под сто илјади

Откако Доналд Трамп објави дека воведува царини од 25 проценти за производите од Канада и Мексико и 10 отсто царини за стоки од Кина, реагираа финансиските пазари, вклучувајќи го и криптопазарот, каде што моменталните падови се двоцифрени.

Етерот денеска ја претрпе најголемата загуба во речиси четири години бидејќи инвеститорите го намалуваат ризикот поради тарифите објавени од Доналд Трамп во текот на викендот, објави „Блумберг“.

Според податоците објавени на „Коинмаркеткап“ (Coinmarketcap), втората по големина криптовалута, етер, утрово падна за над 26 отсто, на околу 2.500 долари, што е најголем процентуален дневен пад од средината на мај 2021 година.

 

 

Објавата за царините влијаеше и на другите криптовалути, при што биткоинот падна за добри шест проценти и моментално се тргува под 100.000. Предвидувањата дека биткоинот би можел да падне на 75.000 долари до крајот на март се зголемија, со веројатност од 22 процента, пишува „Коиндеск.ком“ (Coindesk.com).

 

 

Меѓу главните „губитници“ е XRP, кој падна за околу 25 проценти само за 24 часа.

Индексот на страв на пазарот на крипто сега се префрли во зоната на страв. Дури 188 милијарди долари беа избришани од криптопазарот за 24 часа.

 

 

 

Пазарот е многу нестабилен, па затоа претпазливоста е оправдана.