Повеќето од таканаречените мемкоини што го преплавуваат криптопросторот со вредност од 2,6 трилиони долари веројатно ќе завршат како „безвредни“, според Кети Вуд.
Комбинацијата на блокчејн-технологија и вештачка интелигенција создава „милиони“ мемкриптовалути, кои „нема да вредат многу“, изјави основачката и извршна директорка на АРК (ARK Investment Management LLC) за телевизијата „Блумберг“ во вторникот, додавајќи дека нејзините приватни фондови не вложуваат пари во тие коини.
Мемкоините се вид на дигитален имот често инспириран од шеги, актуелни настани или трендови во популарната култура. Во февруари Комисијата за хартии од вредност на САД изјави дека мемкоините не се сметаат за хартии од вредност, па затоа ќе останат нерегулирани.
Прочитај повеќе
Како ќе функционира државната резерва од биткоини во САД?
Со извршна наредба од 6 март, претседателот Доналд Трамп создаде стратегиска резерва од биткоини, ефективно зацврстувајќи ја легитимноста на биткоинот како финансиски инструмент.
12.03.2025
Крипто: Стратегиските резерви на САД потврдени, но цените паѓаат. Зошто?
Што се случува на криптопазарот?
11.03.2025
Трамп откри кои три криптовалути ќе бидат дел од Федералните резерви
Доналд Трамп вчера објави дека криптовалутите XRP, солана и кардано ќе бидат вклучени во формирањето на американската стратегиска федерална резерва за криптовалути.
03.03.2025
„Ако имам една порака за оние што обожаваат и купуваат мемкоини, тоа е следното: купувачот да биде внимателен“, рече Вуд. „Луѓето најдобро учат преку губење пари, а тие ќе научат дека КХВ и регулаторите не преземаат одговорност за мемкоините“.
Дигиталните токени станаа наслови неколку дена пред претседателот Доналд Трамп да ја преземе функцијата, кога тој лансира свој мемкоин. Коинот привлече милијарди долари трговски обем за краток период, но оттогаш вредноста му се намали.
Мемкоините ќе станат „дигитални предмети за колекција“, рече таа, додавајќи дека некои ќе го „издржат тестот на времето“, а мемкоинот на Трамп може да биде еден од нив.
Вуд ја повтори својата оптимистичка гледна точка за поголемите, поетаблирани криптосредства. Таа рече дека случаите на употреба за биткоин, етер и солана се „множат“ и ќе станат важни во иднина. Инвеститорката често изјавува дека биткоинот може да надмине милион долари до 2030 година. Најголемата криптовалута според вредност моментално се движи под 82.000 долари, што е намалување од околу 13 отсто досега годинава.
.webp){kind=icon}
Во моментов нема коментари за веста. Биди прв да коментира...