Инвеститорите во солана може да ќарат како што расте нејзината финансиска употреба

Компаниите кои сакаат да инвестираат во криптовалутата солана може да имаат корист од зголемената употреба на криптовалутата во финансиската индустрија, според аналитичарите во „Кантор Фицџералд“ (Cantor Fitzgerald).

Иако блокчејнот на Солана се прошири во текот на изминатата година, тој има потенцијал за повеќе апликации како што расте употребата на токенизирани хартии од вредност во финансиите, напиша аналитичарот на „Кантор“, Томас Шинске, во белешка до клиентите во понеделник. Иако компаниите за биткоин, како што е „Стратеџи“ (Strategy) на Мајкл Сејлор, им обезбедуваат на инвеститорите изложеност како резервна актива, Шинске ја гледа солана како можност за брзи, евтини трансакции и можност за користење токени за валидација на трансакции за награда, познато како „стејкинг“ (staking).

„Со зголемената ликвидност што го олеснува собирањето капитал, компаниите што чуваат солана можат да го следат ‘прирачникот на Сејлор’ и да собираат капитал со премија во однос на NAV, да купуваат од криптовалутата и да го зголемат односот на солана-по-акција“, вели Шинске.

Bloomberg Mercury

 

Компаниите што чуваат крипто во своите резерви често тргуваат со премија во однос на основната нето вредност на средствата на нивните удели, но Шинске  го гледа ова како резервирано главно за сопствениците на солана токените поради претпоставката за идна акумулација и висока волатилност. Компаниите што чуваат  солана, исто така, можат да им понудат на инвеститорите изложеност на солана за оние кои не би можеле да пристапат до неа поинаку, како и даночни олеснувања, рече тој.

Сопствениците на солана, исто така, можат да ги вложат своите токени во блокчејнот за да учествуваат во валидација на трансакциите и обезбедување капитал без потреба од разредување на акциите, додаде тој.

„Комбинирањето на вложувањето со трезорските операции треба да резултира со тоа што компаниите што чуваат  Солана ќе растат во односот солана/акција побрзо од компаниите што чуваат Биткоин кои ќе растат во односот Биткоин/акција, сè друго е исто“, напиша Шинске.

Сепак, солана е понестабилна од биткоин и има помала вкупна вредност од еререум. Солана моментално се тргува за околу 157 долари, додека етереум се тргува за околу 2644 долари, а биткоин се тргува за околу 107.597 долари. Но, Шинске гледа дека солана го надминува етереум како трезорско средство.

Шинске иницираше покривање на солана трезорските компании со препорака за прекумерна вредност, станувајќи единствен аналитичар на Волстрит кој ги покрива овие компании.

Шинске ги наведе блокчејн протоколот и трезорската компанија на солана, „ДиФај Девелопмент“ (DeFi Development Corp.), како најдобро позиционирани. Тој гледа дека компанијата може да собере 250 милиони долари со просечна премија од 250 отсто.

Компанијата за е-трговија и чувар на солана , „Упекси“ (Upexi Inc.), се смета дека може да има корист од американскиот капитал од нејзиното котирање на Nasdaq, дури и со помалку инвестиции во екосистемот солана во споредба со конкурентите, рече Шинске, додавајќи дека гледа оти компанијата ќе може да собере 250 милиони долари годишни приходи од пазарите на капитал со просечна премија од 200 отсто.

Иако „СОЛ Стратеџис“ (SOL Strategies Inc.), канадска компанија за чување и стејкирање на солана, моментално не е котирана на берзата во САД, Шинске вели дека е на „целната линија“ на потенцијално котирање во САД, што би помогнало со обемот. Тој ја гледа компанијата како најнапредна компанија во однос на инвестициите и иновациите во екосистемот солана, додека е помалку агресивна во аквизицијата на солана на отворениот пазар и очекува дека може да собере 250 милиони долари годишни приходи од пазарите на капитал со премија од 250 отсто.

Акциите на „ДиФај Девелопмент“ пораснаа за дури 19 отсто во понеделник, додека „Упекси“ порасна за дури 12 отсто, а „СОЛ Стратеџис“ порасна за дури 9,4 отсто. Цените на токените на солана се намалија за 19 отсто досега оваа година, додека етереум падна за 21 отсто, а биткоин порасна за 14 отсто.