Како што соопшти Банката на Англија (BOE), останува само една недела до отстранувањето од оптек на речиси 11 милијарди фунти (12,6 милијарди евра).
Од таму посочуваат дека излегуваат од употреба повеќе од 360 милиони книжни банкноти, од кои приближно шест милијарди фунти (6,86 милијарди евра) во апоени од педесет, и повеќе од пет милијарди фунти (5,72 милијарди евра) во апоени од дваесет фунти.
Граѓаните можат да ги заменат своите хартиени банкноти за нови полимерни, слични на пластифицираните банкноти, лично во седиштето на BOE во Лондон, со испраќање на банкнотите по пошта или во одредени пошти. Исто така, многу комерцијални банки ќе дозволат овие банкноти да се депонираат на банкарски сметки односно по автоматизам ќе извршат замена на парите.
Луѓето во моментот чекаат во долги редици кои се протегаат далеку пред зградата на BOE, за да ги разменат своите пари кои заминуваат во историјата.
Важно е да се напомене дека сите полимерни верзии на британската валута со ликот на кралицата Елизабета Втора ќе продолжат да се користат нормално, а замената на книжните 50-ки и 20-ки ќе го комплетира преминот на британската фунта од хартиени на полимерни банкноти, објаснуваат од централната банка.
.webp){kind=icon}
