Аналитичарите очекуваат нов пад на фунтата до крајот на годинава

Фунтата зајакна во однос н доларот, споредено со најниското минатонеделно вредносно ниво, но поголем дел од аналитичарите продолжија да се обложуваат дека валутата повторно ќе загуби од вредноста, а некои предвидуваат нов рекорден пад до крајот на годинава.

„Standard Chartered Plc“ и „Royal Bank of Canada“ очекуваат дека британската фунта ќе ослабе за скоро 10 отсто во однос на сегашното ниво до крајот на оваа година откако погрешните владини чекори ја поткопаа довербата во валутата. „Nomura Holdings Inc.“ и “Morgan Stanley“, исто така, предвидуваат дека фунтата ќе падне на паритет до крајот на годинава, покажуваат податоците што ги обезбеди Блумберг.

Фунтата на 26 септември падна на моментално најниското ниво од 1,035 долари, пред да се покачи за скоро 10 отсто бидејќи владата отстапи од своето ветување дека ќе го укине предложеното намалување на данокот. Фунтата вчера беше на ниво од 1,13 долари.

Еве што предвидуваат стратезите:

Поголем дефицит

Повлекување на најголемото намалување на даноците не го менува тековниот буџет и фискалниот дефицит на Велика Британија, кои што надминуваат 7 отсто од БДП, вели Дивја Дивеш, директор за истражувања на странски валути за Азија во компанијата „Standard Chartered“ во Сингапур.

Тоа е така затоа што британската централна банка има ограничени резерви за одбрана на валутата и веројатно ќе предизвика рецесија со зголемување на каматните стапки, вели Дивеш.

Секако е тешко целосно да се исклучи можноста за достигнување паритет со доларот, иако фунтата веројатно ќе вреди околу 1,05 долари до крајот на годинава.

Стаглафија

„Фунтата следната година ќе се тргува по цена од 1,04 долари зашто се очекува дека ќе остане под притисок затоа што целата економија на Обединетото Кралство паѓа во стагфлација, дефицитот се влошува, а и натаму има неизвесност во политиката“, вели Алвин Тан, шеф за стратегија на азиските девизни пазари од компанијата „Royal Bank of Canada“ во Сингапур.

Енергетска криза

„Фунтата може да падне на 1,05 долари до крајот на годината бидејќи очајната зима на северната хемисфера ќе доведе до пад на вредноста на фунтата поради тоа што Европа и Велика Британија колабираат како последица на енергетската криза“, рече Стефан Инес, партнер во „SPI Asset Management“ во Сингапур.

Реалните приноси во Велика Британија се прениски за да привлечат пари и ќе биде потребно британската централна банка агресивно да ги зголеми каматните стапки за да обезбеди поддршка за валутата. Меѓутоа, тоа само уште повеќе ќе ја скрши економијата и ќе и наштети на фунтата.

Грешки во политиката

Премиерката Лиз Трас прво најави дека ќе ги намали даноците за најбогатите во Обединетото Кралство, но поради големиот притисок го повлече предлогот.

„Погрешните чекори во политиката и ризиците во врска со глобалната рецесија може значајно да го намалат БДП во текот на следниот месец“, напишаа Џезеф Капурсо и Керол Конг, стратези во „Commonwealth Bank of Australia“ во Сиднеј. „Сепак, ако пазарот на државни обврзници во Велика Британија успее да се смири, БДП може да продолжи да расте“, пишуваат тие во својот аналитички извештај.

Во моментов нема коментари за веста. Биди прв да коментира...

Остави коментар