Италијанската премиерка Џорџија Мелони остро ја критикуваше монетарната политика на Европската централна банка, надоврзувајжи се на критиките од нејзините двајца заменици.
„Поедноставениот рецепт за зголемување на каматните стапки многумина не го гледаат како вистинскиот пат“, рече таа во парламентот во средата. „Не може да се занемари дека постојаното зголемување на стапките носи ризик да нанесе штета на нашите економии повеќе отколку што ја намалува инфлацијата, што значи дека е лек кој прави повеќе штета отколку корист“.
Мелони ги повтори забелешките на вицепремиерот Матео Салвини, кој ги нарече изгледите за дополнително заострување на монетарната политика следниот месец „бесмислени и опасни“. Антонио Тајани, другиот италијански вицепремиер, рече дека ЕЦБ ризикува да предизвика рецесија.
Прочитај повеќе
Инфлацијата во Италија на најниско ниво во изминативе 14 месеци
Најзагрижувачки за функционерите е можното забрзување на растот на основните цени
28.06.2023
Потезите на ЕЦБ се „бесмислени и опасни“
Двајца италјански вицепремиери го критикуваат најавеното ново зголемување на каматите
27.06.2023
Италијанската инфлација забави на 6,7 отсто во јуни од 8 отсто, што е позначајно забавување во споредба со очекуваното за поголемиот дел од еврозоната, иако сè уште е далеку над целта на централната банка од 2 отсто.
ЕЦБ веќе ги зголеми стапките за 400 базични поени од јули минатата година - невидена серија на затегнување - и уште еден потег следниот месец изгледа сосема сигурен. Она што ќе се случи потоа е сè уште непознато, иако некои креатори на политики рекоа дека нови зголемувања по летниот распуст може да бидат неизбежни за да се скроти инфлацијата.
„Мислам дека ќе му наштети на кредибилитетот на Европската централна банка доколку направиме нешто поинакво од она што всушност го правиме“, изјави членот на Управниот совет Мадис Мулер за ТВ Блумберг. „Во интерес на нашиот кредибилитет е навистина да се погрижиме да ја спуштиме инфлацијата на многу пониско ниво. Да се направи поинаку навистина би било проблем не само за централната банка, туку и за луѓето и за економијата во целина“.
Мелони зборуваше во чувствителен момент за Италија, откако го номинираше функционерот на Европската централна банка, Фабио Панета, да го наследи Игнацио Виско како гувернер на Банката на Италија. Тој потег ризикува да го отвори прашањето дали земјата може да го задржи своето место во Извршниот одбор на институцијата во Франкфурт како досега.
Во својот говор, Мелони, исто така, потврди дека ратификацијата на малата реформа на спасувачкиот фонд на Европската унија засега не е на агендата, велејќи дека политиката на владата е диктирана од националниот интерес. Италија е единствената земја која сè уште не ги потпишала промените.
.webp){kind=icon}
Во моментов нема коментари за веста. Биди прв да коментира...