Нема потреба за грижа околу времето кога САД ќе влезат во рецесија, затоа што рецесијата е веќе тука, велат од Институтот за инвестиции од компанијата Wells Fargo.
Според одделението за инветсиции на оваа компанија, САД влегле во рецесија на почетокот на втората половина од 2022 заради повисоката инфлација од тоа што се очекуваше, потоа заради послабото расположение на купувачите и помалата подготвеност за трошење. Ова предвидување се разликува од извештаите од пред еден месец, кога од компанијата предвидуваа дека рецесијата ќе биде блага и ќе се случи на крајот на годината. Сега, компанијата ја смени прогнозата од „блага“ во „умерена“.
Иако некои други компании од Wall Street, како што се Guggenheim и Nomura Securities, предвидуваат рецесија на следната година, институтот е еден од првите кој тврди дека падот на економската активност се случува токму сега. Мислењето на институтот се разликува од економистите на Wells Fargo кои работат во другите оддели и кои предвидуваат блага рецесија кон средината на 2023 година.
„Постои технички дел од рецесијата, но исто така се важни и значајниот пад на потрошувачката и вработеноста“, вели Sameer Samana, задолжен за глобални пазарни стратегии во рамките на одделението за инвестиции. „Техничкиот дел ќе се исполни во првата половина од годината, а невработеноста и падот на потрошувачката ќе го одбележат вториот дел“, вели тој за Bloomberg.
БДП на САД падна за 1,6 отсто во првиот квартал, а според податоците на ФЕД, сличен пад имало и во вториот квартал кој заврши на 30 јуни. Официјалниот извештај ќе биде објавен подоцна овој месец.
.webp){kind=icon}