Во текот на денешното тргување вредноста на еврото на краток период падна под нивото на американскиот долар, со што ја забележа најниската вредност во последните пет недели.
Европската валута падна на ниво од 0,99945 американски долари, најмногу поради загриженоста на инвеститорите во врска со најавениот тридневен прекин на испораката на гас за Европа и потенцијалната енергетска криза. Еврото се продава под голем притисок во однос на доларот откако Русија доцна во петокот најави дека кон крајот на месецов ќе има прекин на испораката на енергенсот преку гасоводот Северен тек 1.
EURUSD:CUR
EUR-USD X-RATE
1,0009 USD
-0,00280 -0,28%
почетна цена
1,0039
претходна цена на затворање
1,0037
промена од почетокот на годината
-11,9877%
дневен опсег
1,00 - 1,00
опсег на 52 недели
1,00 - 1,19
Изгледите за тешка зима во регионот почнаа сериозно да го нагризуваат паритетот на еврото, па оваа валута втор пат за нешто повеќе од еден месец се спушти под вредноста на американскиот долар. Преходно, во средината на јули, за прв пат по 20 години дојде до изедначување на куповната моќ на овие две валути.
Прочитај повеќе
Со падот на еврото лошо им се пишува на валутите од Централна Европа
Трговците се исплашени за унгарската форинта, полската злота и чешката круна повеќе од кои било други валути на новите пазари.
08.08.2022
Хеџ фонд со смел облог дека еврото ќе падне на 0,8 долари
Наместо зајакнување на доларот, би можеле да видиме пад на еврото, смета Едуар де Ланглејд, основач на хеџ фондот ЕДЛ Капитал.
27.07.2022
Доларот расте - не се гледа крајот на овој тренд
Доларот во последно време е во незапамтен растечки тренд во односот на другите валути
31.07.2022
Силниот долар направи глобален хаос, а тоа е само почеток
Брзиот подем на доларот се чувствува во секојдневниот живот ширум светот.
28.07.2022
Според образложението на експертите тогаш, слабеењето на еврото, меѓу другото, е резултат и на бавната реакција на Европската централна банка во однос на американската кога станува збор за зголемување на каматните стапки, како одговор на инфлацијата.
Многу аналитичари тогаш порачаа дека очекуваат еврото да продолжи да слабее и да дојде до ниво од 0,9 долари за едно евро. Главниот аналитичар на Блумберг Адриа, Андреј Кнез, претходно рече дека очекува најниското ниво на односот меѓу овие две валути да достигне до 0,95 долари за едно евро.
Морган Стенли, пак, предвидува дека еврото ќе се лизне на 0,97 долари овој квартал, ниво што не е забележано од раните 2000-ти години.
.webp){kind=icon}
