Доларот е над 62 денари, денеска еврото повторно лизна

Фјучерсите на европските акции паднаа за 3 отсто, а еврото денеска повтори изгуби од вредноста во однос на доларот. Со ова доларот повторно е на нивото највисоко во последните 20 години. Клучната причина е влошената енергетска криза во Европа која ја зголемува загриженоста за целата економија која пак веќе се соочува со висока инфлација и бран на монетарно затегнување.

Денеска поради тоа еден долар утрото беше 62,32 денари што е исто така историски едно од највиските нивоа.

Македонската валута е врзана за еврото.

Доларскиот индекс кој ја покажува вредноста на американската во однос на останатите шест најважни светски валутаи достигна утрово 110,08 бодови додека во петокот беше 109,5 поени. 

Доларот скока и бидејќи валутите поврзани со стоки му се приклучија на намалувањето кое го забележа и еврото и тоа на најниско ниво во последните две децении. Нафтата порасна над 88 долари за барел пред состанокот на ОПЕК + на кој ќе се разговара за понудата. 

Руската компанија „Газпром“ минатата недела повторно го запре својот клучен европски гасовод на неодредено време, откако лидерите на Групата седум се согласија да спроведат ограничување на цената на руската нафта додека Кремљ ја продолжува својата војна во Украина. Цените на природниот гас треба да тестираат рекорди, а Европа би можела да преземе специјални чекори за да ги заузда трошоците за електрична енергија. Германија планира пакет од 65 милијарди долари за заштита на потрошувачите.

Во моментов нема коментари за веста. Биди прв да коментира...

Остави коментар