Турската лира падна на рекордно ниско ниво, продолжувајќи го својот бавен пад поради очекувањата дека властите ќе дозволат таа да продолжи да ослабува сè додека го прави тоа со побавно темпо од стапката на инфлација.
Лирата утрово се лизна за 0,2 проценти, на 41,95 лири за долар. Валутата, која годинава падна за 16 отсто, се движи кон 15-та недела на загуби.
„Слабеењето на лирата не е изненадување - валутата достигнува најниски ценовни нивоа во однос на американскиот долар речиси секој втор ден уште од 2023 година“, рече Емре Акчакмак, виш портфолио-советник во „Ист капитал груп“ (East Capital Group). „За инвеститорите се важни две работи: прво, дали централната банка има доволно резерви за да управува со уредна девалвација; второ, темпото на таа девалвација.“
„Затоа веруваме дека централната банка ќе се стреми да ја одржи врската помеѓу темпото на инфлацијата и девалвацијата на лирата“, рече тој. „Ова треба да резултира со релативно предвидлив и конзистентен пат на амортизација, што подразбира високи, но постепено опаѓачки реални приноси.“
Bloomberg Mercury
Владата води политика на реална апрецијација, што значи дека има цел да ги задржи загубите на лирата под стапката на инфлација. И покрај септемвриската инфлација, која е побрза од очекуваното, валутата го задржа својот бавен пад.
„Освен што ќе ги задржи високи реалните стапки, централната банка можеби ќе го намали темпото на апрецијација на лирата за да помогне во дезинфлацијата“, напишаа економистите на „Морган Стенли“ (Morgan Stanley) во неодамнешниот извештај.
Според извештај објавен на 3 октомври, годишната инфлација во Турција во септември се забрза за првпат по повеќе од една година.
Bloomberg Mercury
Имплицитната нестабилност на валутниот пар долар-лира останува придушена, лебдејќи блиску до најниското ниво од март. Просечните дневни загуби на лирата во текот на изминатите шест месеци се околу 0,08 проценти, според пресметките на „Блумберг“.
.webp){kind=icon}
