text size
Најголемото руско нафтено пристаниште на Црното Море во изминатите неколку дена го прекина товарењето на танкери поради засилените украински напади со дронови во тој регион.
Нафтениот терминал Шесхарис во Новоросијск не товари пратки со сурова нафта од рано наутро во вторник, 21 јули, според податоците за бродскиот сообраќај до кои дојде „Блумберг њуз“, а кои се потврдени и со сателитски снимки и податоци за движењето на пловилата.
Иако лошото време понекогаш може да го наруши товарењето во терминалот, предупредувањето за невреме што се однесува на Шесхарис стапи во сила дури доцна во четвртокот, два дена по завршувањето на последното товарење.
Рускиот оператор на нафтоводи „Транснефт“ (Transneft PJSC), кој е сопственик на терминалот, не одговори веднаш на барањето за коментар.
Засилените напади со дронови оваа недела ги спречија танкерите да преземат нафта и од блискиот терминал ЦПЦ. Доколку прекинот во Шесхарис потрае, тоа би можело дополнително да го зголеми притисокот врз глобалните пазари, кои веќе се под товар поради конфликтот на Блискиот Исток. Според податоците што ги собра „Блумберг“, преку Шесхарис годинава во просек се извезувале 650.000 барели нафта дневно.
Прекинот следува откако Украина значително ги засили нападите врз бродови во руските делови на Црното и Азовското Море, со цел да го принуди Кремљ да седне на преговарачка маса. Москва ги предупреди сите бродови што пловат во економската зона на Русија во Црното Море дека пловидбата е небезбедна поради можни закани од украински воздушни и поморски дронови.
.webp){kind=icon}
