Златото се стабилизираше додека трговците внимателно ги очекуваат податоците за инфлацијата во САД и се обидуваат да ги проценат следните потези на американските Федерални резерви (ФЕД) во однос на каматните стапки. Економистите предвидуваат раст на индексот на потрошувачки цени од 8,1 отсто во септември во однос на истиот месец претходната година, при што бројка поголема од очекувањата веројатно ќе доведе до поголем притисок на златото.
Цената на златото утрово остана речиси непроменета и благородниот метал се тргува за 1.637,87 долари за унца. Претходно, во текот на вчерашниот ден, вредноста на златото порасна за 0,4 проценти. Платината падна, додека паладиумот и среброто се стабилни.
Благородниот метал загуби околу 18 проценти од вредноста во однос на највисокото ниво што го имаше годинава и тоа најмногу поради немилосрдното затегнување на монетарната политика од страна на ФЕД, со цел да се олади инфлацијата. Банкарите од централните банки во САД се обврзаа на покачување на каматните стапки, иако некои ја нагласуваат важноста од балансирано зголемување за да се намали ризикот за економскиот раст. Агресивните потези на централните банки годинава ги оптоварија пазарите на обврзници и валути ширум светот, а при тоа не успеаја значајно да ја намалат инфлацијата.
Bloomberg Mercury
„Да бидеме јасни, инфлација од околу 8 проценти нема да биде доволна да ги запре намерите на ФЕД“, вели Ники Шилс, раководител за стратегија со тргување со метали во „MKS PAMP SA“.
Иако индексот на потрошувачки цени веројатно нема да ги премисли банкарите од ФЕД во зголемувањето на референтната каматна стапка од дополнителни 75 базични бодови на состанокот следниот месец, сепак ако бројката биде поголема од очекувањата може да ги искомплицира плановите за забавување во декември, сметаат економистите на Блумберг.
.webp){kind=icon}
