.webp){kind=icon}
Саудиска Арабија ја намали цената на нафтата за најголемиот дел од Азија, во знак на слабеење на регионалниот пазар поради светското економско забавување. Растечката каматна стапка и ограничената работа поради вирусот во Кина се одразија на потрошувачката на енергија, предизвикувајќи пад на терминските цени на суровата нафта за 20 проценти од јуни.
Саудиската компанија „Арамко“, која е под државна контрола, ги намали цените за клучните количества за декемвриската продажба во Азија, нивниот главен пазар, за 40 центи, на 5,45 долари за барел над регионалната референтна вредност. Тој потег е во согласност со предвидувањата на рафинериите и трговците за пад од 35 центи, покажува истражувањето на „Блумберг.“ Сепак, нафтата брент уште се тргува близу 100 долари за барел, поради можноста за пад на рускиот извоз по заострувањето на санкциите од ЕУ за Русија од 5 декември.
Организацијата на земји извознички на нафта и нивни сојузници (ОПЕК+), која е предводена од Ријад и Москва, исто така одлучи да го намали производството од овој месец. Официјалната продажна цена на „Арамко“ останува историски висока.
Прочитај повеќе
Саудиска Арабија е на пат да стане најбрзорастечка голема економија
Се проценува дека економијата на Саудиска Арабија пораснала за 8,6 отсто во третото тримесечје годинава
31.10.2022
Bloomberg Mercury
„Тоа е приказна за два пазара“, рече Џо Мекмониљ, раководител на Меѓународниот енергетски форум, за Блумберг ТВ, додавајќи дека руската испорака може да се намали меѓу еден и три милиони барели дневно.
„Арамко“ го намали количеството за средна и тешка нафта на најниско ниво во последните најмалку девет месеци. Компанијата во најголем дел ги покачи цените за европските купувачи, кои можеби ќе имаат проблеми со пронаоѓање алтернативни извори за набавка откако ќе стапи во сила ембаргото за увоз од Русија.
Кралството Саудиска Арабија ги остави непроменети цените за САД. Најголемиот дел од својата нафта, според долгорочните договори, кралството го продава во Азија, чии цени се ревидираат секој месец. Кина, Јапонија, Јужна Кореја и Индија се најголеми купувачи.
