text size
Европскиот природен гас загуби од вредноста, бидејќи сѐ уште пријатното време ја одложува побарувачката за греење, ублажувајќи го влијанието на енергетската криза од историски размери, која веќе ги однесе сметките на потрошувачите на рекордно ниво.
Терминските договори паднаа дури за 8,1 отсто, на најниско ниво во последната недела. Топлото време го одложува користењето горива, односно енергенти од складиштата, создавајќи поголеми резерви за ладните месеци. Германските капацитети се исполнети 99 отсто.
„Едноставно имаше многу помалку денови кога се грееше од почетокот на тековната грејна сезона во октомври“, велат аналитичарите на „Морган Стенли“, кои ги намалија прогнозите за цената на гасот за идната година.
Прочитај повеќе
Европската струја е рекордно скапа и покрај владините мерки
Цената на киловат гас за една година поскапе двојно, додека сметките за струја се покачија за 67 отсто.
07.11.2022
Европа ја чека блага зима, складиштата за гас се речиси полни
Цените на гасот паднаа, но и натаму се за 80 проценти повисоки од ланските
01.11.2022
„Топлото време беше клучен двигател за пад на европската побарувачка за гас“, напишаа аналитичарите во својот денешен извештај.
Иако цените неодамна се намалија, сѐ уште се трипати повисоки од вообичаено. Европските домаќинства плаќаат повеќе отколку кога било за струја и гас, според хелсиншката енергетска консултантска куќа „ВасаЕТТ“ (VaasaETT Ltd.), иако владите ветија повеќе од 550 милијарди евра за заштита на потрошувачите од енергетска криза.
Bloomberg Mercury
„Побарувачката, која е пониска од очекуваното во октомври, укажува на тоа дека европските складишта веројатно ќе ја завршат зимската сезона во март за 19 проценти повеќе од очекуваното, на 31 милијарда кубни метри“, велат од „Морган Стенли“.
„Со поголеми резерви и незначајно поголеми намалувања на побарувачката во индустријата отколку што планиравме, цените може да бидат пониски. Меѓутоа, тоа во целост може да им се припише на временските услови и уште е рано за грејната сезона“, велат од банката.
Ризиците во врска со постојните набавки на гас од Русија ќе продолжат во текот на следните месеци, со само една маршрута гасовод отворен за најголемите европски купувачи. Тоа го зголемува притисокот врз алтернативите, вклучувајќи ги и нуклеарната енергија и производството од ветер, како и врз насобраниот природен гас.
Следната година се очекува недостигот од гас во Европа да биде уште поголем. Терминската цена на гасот за испорака во јануари се тргува за 3,3 отсто пониско, односно за 111 евра по мегават-час, додека декемвриските договори паднаа за 3,4 проценти.
.webp){kind=icon}
