Блок 1 од РЕК Битола е во прекин, а станува збор за планско исклучување поради санација и одржување, информираат од ЕСМ.
„Од електроенергетскиот систем ноќеска околу полноќ е исклучен Блок 1 на РЕК Битола. Станува збор за планско исклучување поради санација на кондензаторот и на дел од цевководниот систем во постројката. Преземени се сите чекори за интервенцијата да биде кратка и ефикасна и в понеделник блокот повторно да биде на мрежата“, соопштија од АД ЕСМ.
Оттаму додаваат дека исклучувањето на блокот е планирано за време на викендот, заради вообичаено намалениот консум на електрична енергија во овој период од седмицата. ЕСМ информира и дека недостигот од производството од првиот блок ќе се надомести од другите домашни производствени капацитети, како и од веќе договорената набавка на струја.
Влада
Од Владата информираат дека во текот на изминатото деноноќие се произведени 10.092 мегават-часа струја, а ЕСМ набавила уште 3.110 мегават-часа.
Вицепремиерот за економски прашања Фатмир Битиќи вели дека тоа е економски оправдано во услови кога купената струја е поевтина од таа што се произведува во домашните капацитети, а токму во моментов е таков случај.
„Со домаќинско управување со енергетската криза мора да се следи што се случува на пазарот и ако на пазарот има електрична енергија чија берзанска цена е пониска од производствената, недозволиво е да се произведува со повисока цена. Токму затоа се прави привремен увоз на електрична енергија“, раче вицепремиерот Битиќи, кој ја искористи можноста уште еднаш да порача да не се стравува од недостиг од струја.
„Уверуваме дека ќе имаме доволно електрична енергија до крајот на годинава“, порача Битиќи.
.webp){kind=icon}
Во моментов нема коментари за веста. Биди прв да коментира...