Нафтени танкери што превезуваат милиони барели казахстанска сурова нафта се спречени да го напуштат Црно Море за да пристапат до глобалните пазари откако Турција инсистираше на докази дека се исправно осигурени.
Владата во Анкара инсистира бродовите да имаат осигурително писмо што нуди гаранции додека бродовите и стоката се во турските води, нешто што допрва треба да се случи. Овој потег следува по санкциите од Европската Унија (ЕУ) и Обединетото Кралство, кои дозволуваат осигурување на бродовите што превезуваат руска сурова нафта само ако нафтата на бродот била купена по цена од 60 долари за барел или помалку.
Резултатот е дека најмалку 20 брода со 18 милиони барели сурова нафта неколку дена чекаат да минат низ Босфор. Сите освен еден се натоварени од Казахстан, а извештајот на локалниот бродски агент вели дека бродовите чекаат разјаснување на статусот на осигурувањето.
Од вчера, понудувачите на услугата осигурување од ризик, вклучувајќи и излевање и судири, велат дека писмата што ги бара Турција засега не може и не треба да бидат објавени.
Владите на САД и Обединетото Кралство вршеа притисок врз надлежните од Турција да го преиспитаат својот пристап, а осигурувањата сè уште можат да ги задоволат барањата. Ограничувањата од Г7 на руската цена на нафтата, поставени минатата недела, им дозволуваат на европските компании да ги осигурат танкерите што превезуваат руска сурова нафта само ако е купена по цена од 60 долари за барел или помалку. Без тој доказ, конвенционалниот начин со објава на полисите на интернет-страниците на осигурителите за турските власти веќе не е доволен.
Танкерите чекаат да пловат по целиот свет, од Јужна Кореја и Индија на исток до Панама на запад. Но поголемиот дел од нафтата е наменет за Европа, која забрани да се купува речиси целата руска сурова нафта од море, но дозволува увоз на казахстанскиот вид нафта што се испорачува од терминалите на рускиот брег на Црно Море.
Инаку, има 19 танкери што чекаат да ја превезат казахстанската нафта. Во другиот брод се наоѓаат околу милион барели од руската нафта урал наменета за Индија, покажуваат извештајот на пристанишниот агент и податоците од следењето пловила на „Блумберг“. Во практика казахстанската нафта не би требало да биде предмет на санкции, но фактот дека бродовите испловија од руско пристаниште придонесува за загриженост во Анкара околу потврдата на статусот на осигурувањата.
Исто така, осигурителните компании би можеле да се спротивстават на преседанот со писмата за стоката што не подлежи на санкции. Единствениот руски танкер за сурова нафта што чека да исплови е закотвен во Мраморно Море уште од средата. Испораките на нафтата урал и на сибирската нафта од пристаништето Новоросијск и без тоа беа на ниско ниво, со само три натоварени танкери во неделата до 2 декември. Поради тоа е тешко да се одреди дали руските токови исто така ќе се соочат со проблеми во Турција или само казахстанските.
Купувачите на казахстанската сурова нафта се соочија со низа пречки откако руските трупи ја нападнаа Украина во февруари.
.webp){kind=icon}