Цените на природниот гас во Европа денеска паднаа заради намалената побарувачка која предизвика олеснување на пазарот.
Се очекува потоплото време да придонесе за намалување на потрошувачката на гас за греење во текот на неделата, а прогнозата укажува дека во Велика Британија, Германија и Шпанија ќе биде зголемено производството на електрична енергија од соларни извори, што дополнително ќе ја намали потребата за гас.
Индексот Dutch front-month gas, главниот индекс за Европа, падна 3 отсто до 80 евра за мегават – час. Претходните пет седмици, индексот бележеше загуби.
Иако, кризата со гасот во Европа „нема да заврши во скоро време“ претходниот месец покажа дека „пазарот може да здивне на некое време“, вели аналитичар од Timera Energy.
Намалувањето на руските залихи од претходните месеци и стравот од натамошно кратење на испораките од страна на Русија ги мотивираа европските енергетски компании да почнат да бараат нови извори на гас за да ги дополнат складиштата во пресрет на зимата. Зголемувањето на увозот на течен нафтен гас помогна да се пополнат складиштата иако стравовите поврзани со понудата траат заедно со војната во Украина.
Се очекува дека испораката на гас од Русија преку Северен тек до Германија, што е најголем гасовод до Европската унија, денеска дополнително ќе се намали затоа што испораките преку Украина доаѓаат со намален капацитет. Во исто време, Европа очекува и помали испораки на течен гас од Соединетите Американски Држави заради намаленото производство предизвикано од пожарот во рафинеријата во Тексас.
.webp){kind=icon}
Во моментов нема коментари за веста. Биди прв да коментира...