.webp){kind=icon}
Златото утрово продолжи да расте во Азија, откако во петокот скокна за два проценти, бидејќи по колапсот на американската банка СВБ инвеститорите се префрлија на пазарите што се сметаат за засолништа.
Неуспехот на банката во Силициумската Долина, втор по големина колапс на американски заемодавец во историјата, ја поттикна нервозата за потенцијалните ефекти на прелевање низ финансискиот систем и ги поттикна американските власти веднаш да преземат мерки за заштита на средствата на штедачите.
Bloomberg Mercury
Златото се искачи на едномесечен максимум, а основните метали се покачија бидејќи приносите од доларот и државните обврзници паднаа поради шпекулациите дека ФЕД ќе го забави темпото на зголемување на каматните стапки. Економистите од „Голдман Сакс“ (Goldman Sachs Group Inc) повеќе не очекуваат зголемување на каматите од централната банка на состанокот во март, со оглед на стресовите во банкарскиот систем.
„Стечајот на банката на Силициумската Долина во САД во петокот предизвика паника на пазарот, што не само што ја влоши аверзијата кон ризик, туку значително ги намали и очекувањата на пазарот за зголемување на каматните стапки“, напишаа од „Џинруи фјучерс“ (Jinrui Futures Co).
Американските податоци објавени кон крајот на минатата недела прикажуваат мешана слика за економијата, додека Федералните резерви размислуваат за покачување на темпото на зголемување на каматните стапки. Податоците за инфлацијата што треба да бидат објавени утре, исто така, може да влијаат на одредувањето на следниот потег на централната банка.
GOLDS:COM
GOLD SPOT $/OZ
1.880,19 USD
+11,9275 +0,64%
почетна цена
1.883,94
претходна цена на затворање
1.868,26
промена од почетокот на годината
3,1172903805879%
дневен опсег
1.871,63 - 1.889,44
опсег на 52 недели
1.614,96 - 1.998,38
Златото поскапе за 0,9 проценти, достигнувајќи на утринското тргување 1.885,57 долари за унца. Благородниот метал се искачи за повеќе од три отсто од затворањето во средата, бидејќи загриженоста по колапсот на СВБ расте.
Бакарот скокна за 0,8 проценти, а алуминиумот додаде 0,2 отсто на својата вредност, додека цинкот порасна за 0,5 проценти од најниското затворање од ноември. Среброто се искачи за 1,3 отсто, а паладиумот порасна за 2,9 проценти.
