.webp){kind=icon}
Цената на пченицата расте петти ден по ред откако ескалираа борбите меѓу Русија и Украина, особено со уништувањето на браната и оштетувањето на цевководот за амонијак што Москва го смета за клучен за преговорите за продолжување на договорот за испорака на жито преку Црно Море.
Украина соопшти дека Русија ја разнела браната на југот на земјата, испуштајќи огромно количество вода, што претставува закана на жителите и го комплицира бојното поле, раздвојувајќи ги силите по должината на реката Днепар.
Браната е доволно оддалечена од трите украински пристаништа опфатени со договорот за жито, но поплавите претставуваат сериозен ризик за луѓето, транспортот и логистиката. Русија негираше каква било одговорност.
„Краткорочното влијание е оштетување на силосите за жито и другата опрема што се наоѓа на ниските брегови на реката. Кои точно силоси, дали се оштетени зрната во силосите и колкав дел од житото може да скапе, не може да се знае веднаш. Долгорочното влијание ќе биде многу подраматично“, рече Сергеј Феофилов, раководител на „Украгро консалт“ (UkrAgroConsult).
Bloomberg Mercury
Фјучерсите на пченицата во американското тргување се за 0,3 проценти повисоки, откако претходно се зголемија дури за 3,9 отсто. Пченката поскапе за два отсто.
„Овие земјишта не се целосно погодни за земјоделство, но браната навлегува во каналите за наводнување на поголемиот дел од регионите Херсон и Запорожје и делумно регионот на Миколајев“, рече Евгенија Слепцова, виша економистка во „Оксфорд економикс“ (Oxford Economics).
Уништувањето ќе влијае и на водата за пиење и на плодноста на земјиштето, а ќе предизвика и затворање на фабрики. Украина објави дека од руското гранатирање во регионот Харков, блиску до границата меѓу двете земји е оштетен и цевководот за амонијак. Русија го смета овој цевковод, кој инаку беше затворен за време на војната, како клучен за разговорите за одржување на протокот на украински испораки преку црноморскиот коридор.
