text size
Европските купувачи на какао мора да бидат подготвени да платат повеќе за зрната што ги исполнуваат правилата за одржливост во регионот, предупреди клучен производител од Гана.
Брегот на Слоновата Коска и Гана, кои заедно обезбедуваат околу две третини од состојката за чоколадo, мора да воспостават системи за усогласување со новите прописи на Европската унија кои обезбедуваат производите да не се одгледуваат на земјиште создадено со уништување на шумите. Тие ќе стапат на сила на крајот на овој месец, иако компаниите имаат рок до крајот на 2024 година да се усогласат со нив.
ЕУ, исто така, воведува мерки за справување со прашања како што е детскиот труд во синџирите на снабдување. Сепак, усогласеноста со новите правила ќе биде дополнителен трошок што потрошувачот ќе треба да го плати, предупредува извршниот директор на „Гана коко борд“ (Ghana Cocoa Board), Џозеф Боахен Аидо. Таквите трошоци вклучуваат системи за следење.
Фјучерсите на какаото пораснаа поради загриженоста за снабдување
Bloomberg
„Сакаме да произведуваме какао одржливо и одговорно, а тоа доаѓа со одреден квалитет и цена што потрошувачот треба да биде подготвен да ја плати“, рече Аидо во интервју во главниот град Акра.
Предупредувањето на Гана за дополнителни трошоци доаѓа додека потрошувачите ширум светот се под притисок од повисоките цени на храната, кои вклучуваат и слатки задоволства. Фјучерсите на какаото во Лондон се искачија на највисоко ниво од 2016 година поради загриженоста дека неповолните временски услови би можеле да ги намалат залихите.
Новите правила на ЕУ ќе важат и за производите кои во својот состав имаа кафе, палмино масло и соја. Аидо рече дека посевите на какао во Гана се усогласени со законодавството и дека зрната што се испраќаат надвор од земјата ќе може да се следат до фармата.
„Во наш интерес е да ја подобриме и да продолжиме да ја штитиме животната средина во која произведуваме какао“, посочи тој. „Нашиот систем има национален идентитет и подобрена транспарентност во секторот за какао и му овозможува на регулаторот научно да ја докаже локацијата на фармите и вистинитоста на тврдењата за детскиот труд“.
.webp){kind=icon}
