Нафтата остана стабилна, фокусот кон падот на залихите

Цената на нафтата остана стабилна додека трговците го оценуваат влијанието на новото намалувања на понудата од ОПЕК + и на извештајот на американската нафтена индустрија којшто укажа на уште едно намалување на комерцијалните залихи на национално ниво.

Нафтата од типот „Вест Тексас Интермедијат“ (West Texas Intermediate) се тргуваше нешто под 72 долари за барел, откако порасна за речиси 3 проценти во текот на претходните две сесии, а по најавите од Саудиска Арабија и Русија дека ќе го намалат производството во обид да го запрат падот на цените.

Американскиот институт за нафта процени дека националните залихи на сурова нафта во САД се намалиле за 4,4 милиони барели минатата недела, според луѓе запознаени со податоците. Официјалните бројки треба да бидат објавени денеска. Залихите последниот пат беа на најниско ниво во речиси шест месеци.

Bloomberg

Цената на суровата нафта останува пониска за околу 10 проценти оваа година, по слабото економско закрепнување на Кина и заострената монетарна политика во САД и Европа кои влијаат на изгледите за побарувачката. Зголемувањето на трошоците за позајмување води до намалување на глобалните залихи на нафта, што веројатно ќе биде основа за раст на цените во иднина.

Огромно мнозинство од официјалните лица во Федералните резерви на САД се согласија дека најверојатно ќе биде потребно понатамошно заострување на монетарната политика оваа година, покажаа записниците од последниот состанок на ФЕД. Податоците кои ќе бидат објавени - вклучително и оние за невработеноста и за платите - ќе дадат дополнителни индиции за патот на монетарната политика.

„Спласна загриженоста за побарувачката“ по намалување на залихите во САД, рече Чару Чанана, пазарен стратег „Саксо Капитал Маркетс“ во Сингапур. „Фокусот ќе се сврти кон показателите на пазарот на труд во текот неделата“, рече таа, повикувајќи се на американските економски податоци.