Трговците со опции се свртуваат кон облози дека биткоинот ќе порасне на 50.000 долари до јануари, додека многу набљудувачи на пазарот очекуваат американската Комисија за хартии од вредност конечно да дозволи лансирање фондови со кои се тргува на берзата (ЕТФ), кои инвестираат директно во криптовалути.
Тоа е ниво на цени со најголем отворен интерес - или вкупниот износ на ненамирени договори - за купување биткоин со опции што истекуваат на 26 јануари, според податоците собрани од „Дерибит“, најголемата берза за криптоопции. Куповните опции му даваат на купувачот на договорот право да го купи основното средство по одредена цена во одреден временски период.
Биткоинот последен пат достигна 50.000 долари во декември 2021 година. Тоа беше време кога Федералните резерви (Фед) почнаа да го повлекуваат рекордниот износ на стимулации што беа напумпани за време на пандемијата на ковид. Сега, со очекувањата дека Фед ќе ја смени монетарната политика следната година и со верувањето дека ЕТФ биткоин (од англиски: exchange-traded fund - фонд со кој се тргува на берза) е речиси сигурна работа, криптосекторот бележи скок што навистина боде очи.
Прочитај повеќе
Вредноста на биткоинот се зголеми, но не и интересот за него
Сè уште не може да се забелжи зголемена возбуда или интерес за оваа крипто валута како порано.
06.12.2023
Сè што треба да знаете за биткоинот откако вредноста надмина 40.000 долари
Биткоинот годинава порасна за повеќе од 140 проценти, надминувајќи ги другите инвестиции, како акции и злато.
04.12.2023
Биткоинот достигна ниво од 40.000 долари за првпат од мај 2022 година
Биткоинот надмина 41.000 долари додека најголемото дигитално средство го продолжува закрепнувањето.
04.12.2023
Мајкл Сејлор купи биткоини за дури 600 милиони долари
Сејлор почна да купува биткоини во 2020 година, но годинава го засили тоа бидејќи криптовалутата закрепнува.
01.12.2023
Биткоинот над 38.000 долари, поттикнат од очекувањата за намалување на каматите
Биткоинот во вторникот се врати над 38.000 долари поради оптимизмот дека Фед би можел да се приближи поблиску до намалување на трошоците за задолжување.
29.11.2023
Криптобегалецот До Квон ќе биде екстрадиран од Црна Гора
Министерот за правда ќе ја донесе конечната одлука во која земја да го екстрадира Квон
24.11.2023
Криптонедвижности: каде може да купите во регионот Адрија?
Купувањето недвижен имот со криптовалути го достигна врвот за време на „биковскиот“ тренд во 2021 година.
15.11.2023
Bloomberg
„Биковското расположение напредува“, рече Луук Стријерс, комерцијален директор на „Дерибит“.
Биткоинот порасна за повеќе од 60 проценти од средината на октомври, кога се интензивираа шпекулациите дека Комисијата за хартии од вредност на САД е на работ да даде дозвола за ЕТФ за биткоини - а едно такво барање беше поднесено од моќната фирма за управување со средства „Блекрок“ (BlackRock). Вредноста на криптовалутата беше малку променета и во средата се движеше околу 44.000 долари.
Комбинираниот обем на тргување на спот-пазарот и пазарот на деривати на централизираните берзи се зголеми за 40,7 отсто во ноември, на 3,61 трилиони долари, што е највисокиот комбиниран вкупен износ од март, според истражувачката платформа „ЦЦДата“ (CCData).
Активностите во доменот на дериватите, како што се опциите и фјучерсите, продолжија да доминираат во тргувањето со крипто и остануваат еден од ретките начини за инвеститорите да ги искористат облозите откако пропадна значителен број на големи криптозаемодавци во 2022 година. Дополнително, опциите за готовина и фјучерс-договорите можат да им помогнат на трговците да ги имплементираат своите стратегии без да мора да се занимаваат со специфични криптопрашања како што е таканареченото старателство (чување на имотот односно на средството).
Цените на крипто паѓаа од крајот на март до почетокот на октомври, бидејќи серијата банкротства и скандали во индустријата почнаа да стивнуваат.
.webp){kind=icon}
