Цената на златото продолжи да расте откако податоците од САД покажаа дека базичната инфлација во јануари е во согласност со очекувањата, што значи дека намалувањето на каматните стапки за остатокот од годината сè уште е во игра.
Благородниот метал достигна највисока цена од почетокот на февруари, по објавувањето на податоците за потрошувачките цени мерени со таканаречениот PCE индекс, а растот продолжи и потоа.
Иако базичната инфлација е на највисоко ниво речиси за една година, тоа не беше изненадување и не треба да ги загрози општите дезинфлаторни тенденции што им даваат основа на Федералните резерви да размислуваат за монетарно олеснување. Пониските каматни стапки често го фаворизираат златото, кое нема камата.
GOLDS:COM
GOLD SPOT $/OZ
2.052,47 USD
+8,1600000000001 +0,40%
почетна цена
2.043,6
претходна цена на затворање
2.044,305
промена од почетокот на годината
-0,398937459403390%
дневен опсег
2.039,13 - 2.057,52
опсег на 52 недели
1.809,50 - 2.135,39
Цената на металот флуктуираше во февруари, дури и падна под 2.000 долари за унца во средината на месецот, за потоа да закрепне заедно со зголемениот број на оние што мислат дека Фед ќе направи пресврт во монетарната политика. Во четвртокот претседателката на Фед во Сан Франциско, Мери Дејли, рече дека официјалните лица се подготвени да ги намалат стапките доколку е потребно, но додаде дека таа не гледа итност во моментот со оглед на економскиот раст.
Цената на златото порасна за 0,3 отсто, на 2.050,89 долари за унца, во 10.32 часот во Лондон. Индексот на „Блумберг“ што го следи американскиот долар не забележа големи скокови или падови. Паѓаат цените на среброто, паладиумот и на платината.
.webp){kind=icon}
