Цената на златото достигна нов рекорд, додека цената на среброто го достигна највисокото ниво во последните две години. Рекордните скокови се случија откако некои претставници на Фед изјавија дека очекуваат американската централна банка трипати да ги намали каматните стапки годинава.
Поради очекувањата за пониски каматни стапки, златото годинава поскапе за речиси 11 отсто и неколкупати достигна рекордни нивоа. Неговата цена достигна ниво над 2.288 долари за унца, додека среброто ја надмина цената од 26 долари за унца.
Претседателката на Банката на федерални резерви на Сан Франциско, Мери Дејли, и нејзината колешка од Кливленд, Лорета Местер, забележаа дека се веројатни три намалувања на каматните стапки во текот на 2024 година, при што пониските стапки ги фаворизираат овие метали. Сепак, податоците што покажуваат дека економијата на САД останува силна го отвораат прашањето кога ќе се случат какво било намалување од Фед.
Bloomberg
За ова прашање денеска треба да зборува и претседателот на Фед, Џером Пауел, кој се очекува да даде нов увид за тоа каква политика ќе води Фед. Податоците за платите исто така ќе бидат под лупа на крајот на неделата, со здрав пораст на вработеноста, според истражувањето на „Блумберг“.
Геополитичките грижи исто така помогнаа цената на златото да порасне годинава. Тоа најмногу се однесува на ескалацијата на тензиите на Блискиот Исток, што ја зајакна неговата привлечност. Иран исто така вети дека ќе му се одмазди на Израел, откако го обвини за смртоносниот воздушен напад врз неговата амбасада во Сирија, додека американскиот претседател Џо Бајден упати некои од своите најжестоки критики за однесувањето на Израел откако започна воена офанзива против Хамас во Газа.
Суки Куперу, аналитичар во „Стандард чартерд“, истакна дека поради отсуството на нов катализатор што би ги зголемил цените на металите, „веројатно е дека движењето на цените ќе биде периодично и склоно кон корекции“.
.webp){kind=icon}