Цената на нафтата на светскиот пазар продолжи да расте откако индустриските податоци укажaa на намалување на резервите на сурова нафта во САД, а во пресрет на извештајот на Меѓународната агенција за енергија (ИЕА) за изгледите на пазарот и одлуката на Федералните резерви (Фед) за каматните стапки.
Фјучерсите на брентот се искачија над 82 долара за барел, откако поскапеа за речиси три отсто во претходните два дена, додека вест тексас интермедиејт (ВТИ) се тргуваше близу 78 долари. Американскиот институт за нафта објави дека резервите на сурова нафта во САД паднале за 2,4 милиони барели минатата недела, изјавија за „Блумберг“ извори запознаени со податоците.
Цената на нафтата закрепна неделава, по распродажбата предизвикана од планот на ОПЕК+ да врати одредено производство годинава, што ќе придонесе за поголема понуда на нафта на пазарот. Во вторникот САД објавија прогноза дека нивното производство во 2024 година ќе се зголеми повеќе од претходно проценетото.
Организацијата на земјите извознички на нафта, сепак, останува позитивна за изгледите. Групацијата ја задржа својата прогноза за посилна побарувачка во втората половина од годинава, се наведува во месечниот извештај објавен во вторникот.
„Гледаме значителен дефицит во третиот квартал, што сугерира дека цените сè уште имаат простор да растат“, рече Ворен Патерсон, шеф на стратегија за стоки за ИНГ (ING Groep NV) во Сингапур. „Понудата и побарувачката на нафта ќе бидат во многу чувствителна состојба во блиска иднина“.
Меѓународната агенција за енергија ќе ги даде своите изгледи за понудата и побарувачката подоцна в среда, по што Федералните резерви ќе донесат одлука за каматната стапка.
Цени:
- Брентот за августовско порамнување беше за 0,4 отсто повисок, на 82,26 долари за барел, во 12:18 часот во Сингапур.
- ВТИ за испорака во јули се зголеми за 0,6 отсто, на 78,33 долари за барел.
.webp){kind=icon}
Во моментов нема коментари за веста. Биди прв да коментира...