text size
Бил Гејтс изјави дека е подготвен да инвестира милијарди долари во проектот за нова генерација нуклеарна централа во Вајоминг за да ги задоволи растечките потреби на Соединетите Американски Држави за електрична енергија.
„Терапауер“ (TerraPower), стартап основан од Гејтс, започна со изградба на првиот свој комерцијален реактор минатата недела во Вајоминг, каде што се затвора електроцентрала на јаглен, рече милијардерот и соосновач на „Мајкрософт“. Новиот реактор се очекува да биде завршен до 2030 година.
„Инвестирав повеќе од милијарда долари, а ќе инвестирам и милијарди повеќе“, рече Гејтс, шестиот најбогат човек во светот според индексот на милијардери на „Блумберг“.
Централата „Терапауер“, поддржана од американското министерство за енергија, првично се очекуваше да биде оперативна во 2028 година. Сепак, тоа би значело да се потпреме на гориво од Русија, што сега е „неприфатливо“, рече Гејтс за Фарид Закари на Си-ен-ен.
Реакторот е дизајниран да користи течен натриум како течност за ладење наместо вода и вклучува стопена сол што може да складира топлина за да ги зголеми неговите перформанси. „’Терапауер’ планира да набавува гориво за реакторите од САД и нивните сојузници“, рече Гејтс.
„Јагленот ја губи битката со природниот гас“, изјави Гејтс за Си-ен-ен. „Значи, она што треба да го направиме е ефикасно да се натпреваруваме со природниот гас.
Нуклеарната енергија без јаглерод сè повеќе се смета за клучен фактор во борбата против климатските промени, а сè повеќе компании промовираат помали реактори. Минатата година 25 земји на конференцијата за климатски промени КОП28 во Дубаи ја изразија својата амбиција за тројно зголемување на капацитетот на нуклеарната енергија, според „Блумберг“.
.webp){kind=icon}
