Нафтата се тргуваше блиску до највисокото ниво во последните два месецa, откако го проби неодамнешниот опсег на тргување поради ескалацијата на тензиите на Блискиот Исток и загриженоста за претстојниот почеток на сезоната на урагани во Атлантикот.
Суровата нафта од типот брент се тргуваше близу 87 долари за барел по поскапувањето во понеделникот, додека вест тексас интермедиејт (ВТИ) беше над 83 долари. На Блискиот Исток растат тензиите меѓу Израел и Хезболах.
Во меѓувреме ураганот Берил зајакна до категоријата пет, највисокото ниво на скалата Сафир-Симпсон, станувајќи најсилната бура во Атлантикот во овој период од годината. Ураганот претходно го погоди островот Кариаку во Гренада и се движи кон Јамајка.
Нафтата ги консолидира минатомесечните добивки бидејќи ОПЕК+ ја контролира понудата и на северната хемисфера расте обемот на патувања во текот на летото, при што трговците веројатно внимателно ќе ја следат побарувачката на бензин околу празникот в четврток во САД. Загриженоста за тешкото закрепнување во Кина, најголемиот увозник на сурова нафта, веројатно ќе го ограничи растот на цената.
Bloomberg
„Пробивањето на неодамнешниот опсег до ново повисоко ниво го зајакнува краткорочниот нагорен тренд“, рече Јип Јун Ронг, пазарен стратег за ИГ Азија. Тоа „може да ги натера купувачите да очекуваат повторно тестирање на највисокото ниво од април 2024 година на клучниот опсег од 90 долари“ за брент.
Цени:
Брент за испорака во септември поскапе за 0,3 отсто, на 86,83 долари за барел, во 12:11 часот во Сингапур.
ВТИ за испорака во август се зголеми за 0,2 отсто, на 83,55 долари за барел.
.webp){kind=icon}
