text size
Златото падна по најголемата неделна добивка во последните три месеци, при што купувањата од централните банки во моментов се главен фокус на пазарот.
Металот се купуваше за близу 2.370 долари за унца, откако неговата цена порасна за речиси три отсто минатата недела. Народната банка на Кина не ги зголеми златните резерви во мај и јуни, но податоците покажаа дека и Банката на резерви на Индија и Националната банка на Полска ги зголемиле своите резерви, според објавите на висок аналитичар во Светскиот совет за злато за социјалната мрежа Х.
Златото уназади по претходно постигнатиот раст
Bloomberg
„Златото сега ја брише добивката од трговската сесија во петокот“, се вели во извештајот на „Саксо банк“ (Saxo Bank A/S). „Долгорочно, веруваме дека инвеститорите ќе останат наклонети кон златото бидејќи останува неизвесноста за американската економија и неодржливоста на американскиот дефицит“.
Златото порасна оваа година - достигнувајќи рекорд во мај - поддржано од купувањето на централните банки и геополитичките тензии, како и очекувањата дека Федералните резерви (Фед) ќе ги намалат каматните стапки подоцна оваа година.
Во меѓувреме, европските акции поскапеа во понеделникот додека трговците го анализираа неочекуваниот резултат од предвремените избори во Франција. Исходот потенцијално го ограничува влијанието на левичарската коалиција и Национално обединување на Марин Ле Пен.
Цената на златото на спот-пазарот падна за 0,8 отсто на 2.372,78 долари за унца во 11:19 часот во Лондон. Индексот Bloomberg Dollar Spot беше стабилен, како и приносите на 10-годишните американски обврзници. Ослабеа и платината, среброто и паладиумот.
.webp){kind=icon}
