Закрепнува вредноста на железната руда, кинеските залихи се намалуваат

Вредноста на железната руда продолжи да закрепнува откако огромните залихи во Кина кои продолжија да се намалуваат, како знак кој сигнализира дека минува периодот на сериозно прекумерно снабдување на пазарот.

Куповите суровини за производство на челик што се чуваат на кинеските пристаништа се искачија на над 150 милиони тони во јули, како што се продлабочи челичната криза во земјата. Но, обемот падна во изминатите четири недели, помагајќи им на цените на железната руда да се задржат по падот на најниско ниво од 2022 година.

Фјучерсите во Сингапур денеска се зголемија за 3,2 проценти до 99,30 долари за тон до 12:01 часот по локално време. Минатата недела вредноста се зголеми за 4,5 проценти.

Сепак, пошироката перспектива за челичниот сектор во Кина останува многу неизвесна во услови на загрозен сектор за недвижности и промени кон нови сектори за раст предводени од владата. Трговците следат дали производството на челик почнува повторно да расте по неодамнешните падови, бидејќи јули и август се вообичаено најслабата сезона за производство на челик.

Производството во високите печки „покажа знаци на допирање на дното во изминатиов период“, соопшти „Хуатаи фјучрс“ (Huatai Futures Co.) во белешка испратена по е-пошта, во која исто така се вели дека залихите на железна руда останале релативно високи.

Основните метали поскапеа и во понеделникот на Шангајската берза, при што алуминиумот го достигна највисокото ниво од 16 јули. На Лондонската берза за метали не се тргуваше поради државен празник во Британија.

Во моментов нема коментари за веста. Биди прв да коментира...

Остави коментар