Рускиот гигант во производството на природен гас, „Гаспром“, за првпат произведе и течен природен гас (ЛНГ) во мала постројка на балтичкиот брег во близина на затворениот гасовод Северен тек.
Двете производствени линии на „Портоваја“ (Portovaya LNG) произвеле околу 30.000 тони суперладено гориво, изјави заменик-извршниот директор на „Гаспром“, Виталиј Маркелов на Источниот економски форум во Владивосток. Еден танкер е веќе закотвен во близина на објектот, додека за друг се очекува да пристигне наскоро, рече Маркелов, без да ја коментира дестинацијата.
Фабриката за ЛНГ се наоѓа во близина на компресорската станица Portovaya, почетната точка на гасоводот Северен тек под Балтичкото Море, кој престана да работи во саботата по тридневн ремонт, влошувајќи ја енергетската криза во Европа.
Претходно годинава објектот беше во центарот на вниманието откако сателити на НАСА открија пламен кај рускиот балтички брег, што предизвика загриженост дека, поради санкциите поради војната во Украина, националниот гасен гигант пали гориво наместо да го испорачува во Европа.
Маркелов рече дека тестирањето во однос на процесот за производство на ЛНГ, траело 72 часа, а било завршено во понеделникот, иако, како што додаде, „останува да се завршат некои документи“.
Portovaya LNG има годишен капацитет од 1,5 милиони тони, пишува на таблата на локацијата Сахалин-2 (Sakhalin-2), управувана од „Гаспром3 на далечниот исток на Русија. Portovaya е подготвена да испорача суперладено гориво во руската област Калининград, лоцирана меѓу Литванија и Полска и да го зголеми портфолиото на „Гаспром“.
.webp){kind=icon}