text size
Повеќе од 300.000 луѓе ги напуштиле своите домови во градови и села низ Франција и Шпанија поради шумските пожари што им закануваат на Мадрид и Бордо, како и поради новиот пожар што избувна во регионот Вал д’Уиксо во источна Шпанија.
Пожарот што избувна во близина на Валенсија во саботата бил „целосно надвор од контрола“ до вечерта, според министерката за наука на Шпанија, Дијана Морант. Повеќе од 16.000 луѓе биле евакуирани, додека се очекувало дополнителни ресурси да пристигнат од Мадрид вo недела.
Локалните пожарникари објавија видео на X во саботата вечерта, на кое се гледа како пламените јазици се издигнуваат десетици метри кон небото од пожарот што избувнал во Вал д’Уиксо, 45 километри северно од Валенсија. „Пожарите добиваат карактеристики кои понекогаш го надминуваат капацитетот за гасење на која било противпожарна служба во светот“, се наведува во објавата.
Прочитај повеќе
Невидени пожари во Шпанија и Франција, евакуирани се повеќе од 200.000 луѓе
Повеќе од 200.000 луѓе се евакуирани од централна Шпанија и југозападна Франција, бидејќи шумските пожари, поттикнати од екстремна топлина и силни ветрови, стигнаа до периферијата на Мадрид и Бордо.
пред 22 часа
Европа се бори со пожарите: огнената стихија стигна до Мадрид, а евакуиран е Кап Фере во Франција
Шпанија прогласи вонредна состојба и ја испрати војската во борба со пожарите кај Мадрид, додека Франција евакуираше десетици илјади жители и туристи.
24.07.2026
Бројот на евакуирани луѓе во областа Жиронда во Франција се искачи на 220.000, вклучувајќи 55.000 луѓе од предградијата на Бордо минатата ноќ, според локалните власти. Канцеларијата за односи со јавноста на локалната администрација соопшти дека пожарот брзо се проширил во раните часови на ноќта поради сувата вегетација и ветерот.
Автопатот A63, главна сообраќајна оска меѓу Бордо и северот на Шпанија, бил затворен на делница долга 60 километри, а железничките услуги јужно од францускиот град биле прекинати на неопределено време, според националниот железнички оператор SNCF.
Во меѓувреме, пожарите што предизвикаа масовни евакуации во Мадрид и Авила се движеле побавно во неделата наутро, бидејќи временските услови се подобриле, иако шпанските власти соопштија дека сè уште не се ставени под контрола. Речиси 100.000 луѓе биле евакуирани од областа, според регионалниот официјален претставник Карлос Новиљо.
Пожарникарите во саботата пронашле мртов постар маж во автомобил во Манисес, во регионот Валенсија, додека ставале под контрола мал пожар. Досега не се пријавени жртви од големите пожари што беснеат на другите места во близина на Мадрид и Валенсија.
.webp){kind=icon}
