Турција го испрати својот прв астронаут во вселената со ракета на „Спејс екс“

Турција го испрати својот прв астронаут на Меѓународната вселенска станица во капсула на „Спејс екс“ (SpaceX), што претставува пресвртница за вселенската програма која е во зародиш.

„Спејс екс“ на Илон Маск ја лансираше својата ракета „Фалкон 9“ (Falcon 9) од вселенскиот центар Кенеди на Флорида во четвртокот, носејќи го турскиот астронаут Алпер Гезеравчи и други членови на екипажот од Италија, Шпанија и Шведска на мисија управувана од „Аксиом спејс“ (Axiom Space Inc).

 

 

Двонеделната мисија Акс-3 (Ax-3) е треа од четирите планирани вселенски лансирања на „Аксиом“, а учеството на Гезеравчи ја чинеше Турција околу 55 милиони долари, рече турскиот министер за индустрија и технологија Фатих Кацир. Ова е клучен дел од националниот проект дизајниран да го отвори влезот на Турција во вселенската трка во која традиционално доминираат светските сили. Турција ја претстави својата вселенска програма во 2021 година, чија цел беше беспилотна мисија на Месечината во првите две години.

Турската вселенска агенција и други национални истражувачки институции работат заедно на развој на хибридна ракета и воспоставување копнена контролна станица за идните мисии.

Гезеравчи, 44-годишен пилот на борбен авион, ќе помине 14 дена на меѓународната станица, спроведувајќи научни истражувања, според информациите на веб-страницата на „Аксиом“. Турскиот претседател Реџеп Таип Ердоган му се јавил на Гезеравчи еден ден пред планираното лансирање, велејќи му дека летот ќе послужи како „инспирација за турската младина“.

Во моментов нема коментари за веста. Биди прв да коментира...

Остави коментар