Македонија е на 76-то место од 180 држави според најновиот Индекс за перцепција на корупцијата, кој секоја година го објавува „Транспаренси интернешнел“. Во споредба со извештајот за 2022 година, Македонија бележи скок од девет места, но ако се гледаат освоените поени, има само два плус во споредба со една година претходно. Измените во Кривичниот законик се наведуваат како главна забелешка за слабиот напредок на земјата во борбата против корупцијата.
Добро утро, подолу петте вести што ги издвоивме за почеток на денот.
Мегатрендови што ги мачат бизнисмените: Приспособување или смрт
Се зголемува бројот на менаџери што сметаат дека нивните компании нема да опстојат на долг рок доколку не воведат промени во работењето. Според новата глобална анкета на „Прајсвотерхаускуперс“, дури 45 проценти од 4.702 извршни директори не се сигурни дека нивните компании ќе преживеат повеќе од една деценија ако продолжат по сегашниот пат.
Извршните директори очекуваат во следните три години многу поголем притисок отколку што имале во изминативе пет години од технологијата, климатските промени и речиси секој друг мегатренд што влијае на глобалниот бизнис.
Mакедонските филмови и серии што го освоија светот
Македонски автори и режисери продолжуваат да редат меѓународни успеси во 2024 година. Горан Столевски пред десет дена ја освои главната награда на филмски фестивал во Норвешка, а минатата недела убава вест соопштија и продуцентите на серијата „Сказните на Биби“, која отсега може да се гледа во Велика Британија и во САД.
Во 2023 година рекорден број филмови во македонска продукција беа прикажани на светски фестивали. Некои се закитија и со признанија.Македонскиот филм „М“ пред два месеца доби награда на њујоршкото издание на фестивалот на независен филм „Денсес вит филмс“, кој „Ју-ес-еј тудеј“ го вброи меѓу десетте најзначајни филмски настани надвор од Холивуд.
Еврозоната неочекувано избегна рецесија, но борбата продолжува
Еврозоната неочекувано ја избегна првата рецесија од пандемијата во втората половина на 2023 година, бидејќи поцврстиот раст во Италија и Шпанија ја компензираше малаксаноста во Германија.Податоците од истражувањето сугерираат дека почетокот на 2024 година бил сè уште релативно слаб, особено затоа што Германија - најголемата економија во регионот - е на граница на рецесија.
Иако целокупната слика прикажува меко приземјување на кое Европската централна банка се надева додека се справува со инфлацијата, има мали изгледи дека намалувањата на трошоците за задолжување ќе го поттикнат растот.
ММФ: Растот во САД и државните стимулации во Кина ќе го забрзаат и глобалниот раст
Глобалната економија ќе порасне за 3,1 отсто оваа година, во однос на 2,9 отсто што беше прогнозирано во октомври, објави оваа институција со седиште во Вашингтон во својот квартален Светски економски преглед објавен денеска. Фондот ја задржа прогнозата за 2025 година непроменета на 3,2 отсто.
Построгите политики на централните банки во борбата против инфлацијата и намалувањето на јавната потрошувачка во некои земји се меѓу причините зошто се очекува растот да биде побавен отколку во двете децении пред пандемијата, кога тој во просек изнесуваше 3,8 отсто.
Маск објави дека неговиот стартап вградил мозочен имплант кај човек
Мозочниот имплант на „Неуралинк“ првично има цел да им помогне на луѓето со трауматски повреди да ги контролираат компјутерите користејќи ги само своите мисли. Компанијата во мај објави дека добила одобрение од американската Администрација за храна и лекови да ги спроведе првите испитувања на луѓе.
Кон крајот на минатата година, „Неуралинк“ соопшти дека за испитувањето собира пациенти со квадриплегија поради повреда на цервикалниот 'рбетен мозок или амиотрофична латерална склероза (АЛС). Илон Маск на X напиша дека првиот производ на „Неуралинк“ ќе се вика „Телепати“ (Telepathy). Тој ќе овозможи „контрола на вашиот телефон или компјутер, а преку нив речиси на секој уред, само со помош на мисли
.webp){kind=icon}
Во моментов нема коментари за веста. Биди прв да коментира...