Цената на јагнешкото и свинското месо не е зголемена, велат од Асоцијацијата на земјоделци. Потпретседателот на Асоцијацијата, Гоце Серафимов, посочува дека цената на јагнешкото месо жива мера се движи од 230 до 270 денари за килограм, но таа цена не може да се достигне поради кланичните услуги.
„Месо има, и свинско и јагнешко, цената не е покачена, цената си е иста. Јагнешкото жива мера е од 230 до 270/280 денари, меѓутоа таа цена не може да биде, затоа што јагнешкото дава 55 проценти рандаван. Со кланични услуги излегува од 600 до 700 денари“, вели Серафимов.
Цената на свинското месо е 300 денари, а на полутките 240 денари.
„Свинското месо е со старата цена, не е зголемена. Поголем број граѓани може да си купат свинско месо, јагнешкото е малку поскапо и не може да си го дозволи секој“, вели Серафимов, додавајќи дека во следниот период не се очекува зголемување на цената на месото.
.webp){kind=icon}
Во моментов нема коментари за веста. Биди прв да коментира...