Републиканскиот претседателски кандидат Доналд Трамп се приклучи на социјалната мрежа за кратки видеа Тикток (TikTok), што е во сопственост на кинескиот технолошки гигант „Бајт денс“ (ByteDance), која тој се обиде да ја забрани додека беше претседател на САД.
„Политико“ (Politico), кој прв ја објави веста, соопшти дека Трамп првото видео го објавил синоќа на овој свој нов профил. Во видеото, Трамп ги поздравува фановите на УФЦ борбата (Ultimate Fighting Championship) во Њуарк, Њу Џерси.
До осум часот утринава (10 часот по средноевропско време) профилот со адреса @realdonaldtrump собра повеќе од 450.000 следбеници, a во моментот на објавување на текстот имаше 947.000.
Прочитај повеќе
Доналд Трамп е прогласен за виновен. Што е следно?
Поротата составена од 12 њујорчани го прогласи Трамп за виновен по сите 34 точки од обвинението.
31.05.2024
„Tикток“ најави правна битка против одлуката на САД за забрана на апликацијата
„Бајтденс“ има намера да се бори против забраната на САД на суд и да ги исцрпи сите правни дејства.
22.04.2024
Сенатот на САД ја изгласа мерката против Тикток, Бајден ќе ја озакони
Aмериканскиот Сенат гласаше да се забрани сопственоста на Тикток од страна на кинескиот креатор „Бајтденс“.
24.04.2024
„Бајт денс“ во моментов пред суд го оспорува американскиот закон што стапи на сила во април, според кој матичната компанија треба да го продаде Тикток до следниот јануари или ќе се соочи со забрана.
Белата куќа соопшти дека не сака да го забрани Тикток, но од причини поврзани со националната безбедност сака социјалната мрежа повеќе да не е во кинеска сопственост.
Tикток тврди дека не ги споделува податоците на американските корисници со кинеската Влада и дека платформата презела значителни мерки за заштита на приватноста на своите корисници.
Во 2020 година судот го блокираше обидот на Трамп да го забрани Тикток, додека тој беше претседател.
.webp){kind=icon}