Aмериканскиот Сенат гласаше да се забрани сопственоста на Тикток (TikTok) од страна на кинескиот креатор „Бајтденс“ (ByteDance Ltd.), поставувајќи насока за правен судир околу тоа дали забраната ги лишува американските корисници од нивните права за слобода на говор со Првиот амандман.
Гласањето, кое опфати и помош за Украина, Израел и Тајван, доби големо двопартиско одобрување од сенаторите кои се загрижени за собирањето на кориснички податоци од страна на апликацијата од над 170 милиони Американци, како и за потенцијалот Кина да ја користи за пропагандни цели. Претседателот Џо Бајден рече дека ќе ја потпише мерката и ќе ја преточи закон.
Легислативата беше усвоена со 79 наспрои 18 гласови во вторникот вечерта.
Нацрт-законот ѝ дава на компанијата речиси една година за „Бајтденс“ да се повлече од сопственоста на Тикток пред апликацијата да биде забранета во САД. Тоа го поставува крајниот рок многу по претседателските избори во ноември, на разочарување на некои пратеници загрижени дека Пекинг може да ја користи апликацијата за да се вмеша во изборите.
Компанијата веќе се обврза дека ќе ја оспори легислативата на суд. САД се важан пазар за гигантот на социјалните мрежи, кој стана еден од најбрзо растечките технолошки бизниси во светот.
Малку е веројатно дека Пекинг ќе дозволи каква било продажба на Тикток. Тамошната влада јасно стави до знаење дека не сака ниту важните алгоритми на Тикток, ниту неговите вредни податоци да потпаднат во американски раце, рече извор запознаен со размислувањата во компанијата, барајќи да остане анонимен бидејќи станува збор за внатрешни ставови во компанијата.
Републиканецот од Кентаки, Ранд Пол, тврдеше дека законот за Тикток го прекршува Првиот амандман и другите одредби во Уставот и предвиде дека судовите ќе го поништат.
Легислативата, исто така, би можелс да забрани други апликации за кои претседателот смета дека се под контрола на странски противници и поставува нови ограничувања на трговците со податоци кои продаваат информации на странски противници.
Мерката за Тикток е на брза лента да стане закон откако републиканскиот претседател на Претставничкиот дом Мајк Џонсон одлучи да ја вклучи заедно со пакетот помош за Украина и Израел, што го скрати она што можеше да биде долга дебата во Сенатот. Домот ја одобри мерката за Тикток со гласање од 360 наспроти 58 во саботата.
.webp){kind=icon}
