Случувањата на пазарите на капиталот од понеделникот, кога потонаа сите берзи од Токио до Њујорк, се покажа дека се резултат на повеќе причини, но две се главни. Првата е зголемувањето на каматната стапка од страна на Банката на Јапонија, кое, според аналитичарите, се случи пребрзо. Втората е одолжувањето за намалување на каматите во САД од страна на Фед.
Следната недела ќе анализираме какви чекори ќе преземаат централните банки во наредниот период со оглед на тоа што најголемата светска економија забавува. Како евентуалното намалување на каматните стапки на глобално ниво ќе се одрази на задолжувањето на земјава со половина милијарда евра од Унгарија? Дали овој заем ќе остане евтин?
Јули се покажа како добар месец за Македонската берза, но почетокот на август ја обои во црвено, впрочем како и секаде во светот. Дали црвенилото на Македонската берза се должи на случувањата во светот? Колку домашната берза реагира на финансиските извештаи на компаниите?
Ќе се занимаваме и со пазарот на трудот, кој забрзано се менува, а работниците го забележуваат тоа. Можат ли да се приспособат на новите услови? Што создава македонскиот образовен систем, а што бара стопанството?
Вештачката интелигенција и зелената транзиција остануваат во нашиот фокус и следната недела. Што покажуваат податоците, дали напредните технологии ја зголемуваат потрошувачката на струја, што пак ја загрозува зелената транзиција? Како декарбонизацијата ќе влијае на сиромашните земји?
Ќе анализираме и што се случува со имотот со кој се стекнуваат банките поради ненаплатливите побарувања. Колку имот поседуваат, колку време е потребно за тој да се продаде?
Ќе анализираме и колку чини земјиштето во Македонија.
.webp){kind=icon}
