text size
Неделата почна бурно. Екраните на компјутерите во сите берзи од Токио до Њујорк поцрвенеа, индексите паѓаа - некои од нив паднаа најмногу по глобалната финансиска криза во 2007 година, други, пак, забележаа најголем пад во последните шеесетина години.
„Блумберг Адрија“ ги праша домашните аналитичари на што се должи репризата на црниот понеделник од 1987 година. Тие ни издвоија пет главни причини, меѓу нив пребрзата реакција на Банката на Јапонија за зголемување на каматите и бавното дејствување на Фед за олабавување на монетарната политика во САД во услови кога најголемата економија во светот е на прагот на рецесија. Сепак, не паничете.
Прочитајте повеќе за случувањата на Македонската берза во јули.
На домашен терен се чека понудата од „Комерцијална банка“ за преземањето на „Стопанска банка Битола“. Минатата недела на Македонската берза беше објавено дека понуда ќе има, ние анализиравме по која цена поголемата банка ќе понуди да ги купи акциите на помалата.
Анализиравме и што се крие зад намерата на Владата да го преполови данокот на добивка за големите мултинационални компании што ќе регистрираат фирма во земјава за тука да ја консолидираат добивката. Дали на овој начин Владата ќе се обиде да го амортизира ударот од минималниот данок, кој поради нискиот копоративен данок во земјава, странските компании ќе го доплаќаат во своите матични земји? Процените покажуваат дека само по овој основ државниот буџет ќе губи околу 30 милиони евра годишно.
Инфлацијата во јули се позиционира на три отсто. Тоа е помалку од минатиот месец, кога изнесуваше 3,2 отсто, но најважно е дека растот на цените не запира. Сега е на потег НБРМ. По одморите ќе треба да процени дали е време за пад на референтната каматна стапка. Во процените ќе ја стави и патеката на инфлацијата, но и најавите за зголемување на пензиите и на платите во наредниот период.
Прочитајте повеќе:
Најавен е влез на нов телекомуникациски оператор во земјава.
Студирањето во Германија станува поскапо за Македонците.
Австриец со македонско потекло е еден од осомничените за подготовка на терористичките напади за време на концертите на Тејлор Свифт во Виена. Американската ѕвезда ги откажа трите концерти (за кои беа продадени 170.000 билети во рок од нецели два часа) затоа што безбедноста е најважна.
Виена е најблискиот град во регионот каде што Свифт закажа концерти во рамките на турнејата „Ерас“. Голем број обожаватели свифти од земјава веста ја дознаа откако стигнаа во австриската престолнина.
.webp){kind=icon}
