.webp){kind=icon}
Просечната плата во Македонија во изминатиов период бележи континуиран пораст, но платите во земјава сè уште се многу под европскиот просек. Поради тоа анализираме каков рецепт е потребен да се примени за платите на македонските работници да се приближат до европските. Еден од најголемите проблеми на македонскиот пазар на трудот е недостигот од работници со специфични вештини, а меѓу главните причини за тоа е што образованието не испорачува кадри што им се потребни на работодавците. Истражуваме како Европа го решава овој проблем.
Ги презентираме електричните автомобили со најдобри перформанси и анализираме какви се трендовите на пазарот на природен гас во Европа и какви цени нè очекуваат во текот на зимата. Со оглед на тоа што во септември се очекува да има олабавување на монетарната политика во Европа, анализираме дали и колкаво намалување на основната каматна стапка треба да се очекува во Македонија.
Прашуваме кои се најголемите ризици што ги носи паушалното оданочување, како и колку се реални најавите на Владата дека ќе го среди хаосот со онлајн продажбата и во кои насоки треба да оди развојот на оваа дејност.
Цените на недвижностите во Македонија во изминатиов период доживеаја огромен пораст, што на поединци им овозможи да стекнат значителен капитал преку продажба на станови, куќи и земјиште. Нудиме предлози за тоа каде би можеле да се вложат стекнатите пари односно како да се зголеми капиталот.
