Расте бројот на жртви од поплавите во Централна Европа, а Полска се подготвува да прогласи вонредна состојба.
Циклонот Борис донесе пороен дожд во регионот, а црвениот аларм сè уште е во сила за делови од Австрија, Чешка, Унгарија и јужна Германија. Потврдено е дека шест лица загинале при поројните поплави што ја погодија Романија во текот на викендот, а стотици се евакуирани.
Добро утро, ова се останатите пет вести кои се важни за почеток на денот
Осудена ли е Македонија на пораз во трката по работници со ЕУ?
На европско тло се развива своевидна трка по работници во која Македонија веројатно ќе заврши на некое од последните места бидејќи не може да им конкурира на повеќе европски земји кога се во прашање висината на платите и животниот стандард.
Најновите податоци на Евростат покажуваат дека стапката на слободни работни места во Европската Унија изнесувала 2,4 проценти заклучно со вториот квартал од 2024 година и е на повисоко ниво од македонската која во истиот период изнесувала 1,95 проценти. Тие се показател дека работодавците од нашата и од европските земји се мачат да најдат работници, меѓутоа и дека на пазарот на труд во Европа има голем простор за апсорпција на работна сила од Македонија. Поради лошите демографски трендови, станува јасно дека трката допрва ќе се разгорува и дека ќе прерасне во спринт кога станува збор за одредени дејности, во кои недостигот од работници е најизразен.
ББА коментар: НБРМ денеска ќе почне со намалување на референтната камата
Народната банка на Македонија на денешната седница ќе донесе одлука за намалување на основната камата. Според аналитичарот на „Блумберг Адрија“, Михаел Блажековиќ, извршниот одбор на банката ќе донесе одлука за намалување од 0,15 процентни поени. Според него, ова е ќе биде оптимален почеток на монетарното олеснување во земјава. Со ваквото намалување, референтната камата ќе се врати на нивото од пред септември лани.
„Европската централна банка веќе двапати ја намали каматната стапка, централните банки во околината исто така го сменија правецот на монетарната политика, така што сметаме дека е вистинско време тоа да започне и во Северна Македонија“, вели Блажековиќ.
ББА-коментар: Фед ќе ја намали референтната камата за 25 базични поени
Оваа недела Фед ќе почне да ја менува својата монетарна политика и да ја намали референтната каматна стапка за 25 базични поени. Иако пазарите се дури малку пооптимистички и бележат поголем рез, сепак сметаме дека е оптимално да се започне со 25 базични поени и потоа да го видиме натамошен развој на инфлацијата и на пазарот на труд.
Американската економија успева да издржи различни геополитички спорови, додека пазарот на трудот е сè уште доста силен, со постепен пад на новоотворените работни места, што и дава простор на Фед да почне да ги намалува каматните стапки за да не ја задуши економијата. Исто така, еден од водечките показатели што го следиме е и бројот на продадени тешки возила, кој е помал за шест проценти во првите осум месеци од годинава во однос на лани, што укажува на забавување на прометот на стоки односно на послаба крајна побарувачка на населението.
Пазарите чекаат пад на стапките во САД, доларот блиску до јануарскиот минимум
Доларот не бил толку слаб од август и се приближува до ниското ниво од јануари, бидејќи пазарите сè повеќе веруваат дека Федералните резерви (Фед) неделава би можеле да ги намалат каматните стапки за половина процентен поен.
Според индексот на „Блумберг“ (Bloomberg) што го следи доларот, американската валута ослабна за 0,3 проценти во понеделникот и се приближи до минимумот од август. Понатамошен пад би го донел на јануарскиот минимум. Падот на доларот ги подигна другите светски валути, како јенот, кој постигна највисоко ниво од јули 2023 година.
Дојде денот за новиот iOS 18, дали и кога ќе стигне на вашиот ајфон
Откако беше најавен уште во јуни, на конференцијата за програмери на „Епл“ (Apple), WWDC (Worldwide Developers Conference), конечно дојде денот за објавување на iOS 18 светот. Според најавите, оперативниот систем носи многу подобрувања за ајфоните и нуди сосема нов начин за приспособување на изгледот на почетниот екран – што е првпат за „Епл“.
Ако сега чекате да ја добиете оваа голема бесплатна надградба, еве што треба да знаете, вклучувајќи ги и очекуваното време на објавување, целосниот список на компатибилни ајфони и дополнителните информации.
.webp){kind=icon}