Распродажба на глобалниот пазар на обврзници ги турка цените на приносите до високи нивоа. Ескалираат грижите за зголемената инфлација, постојаните политички тензии и растечките долгови. Во вакви околности ќе влеземе во третата недела од 2025 година во која македонската редакција на „Блумберг Адрија“ ќе анализира за сите актуелни случувања.
Растот на приносите ја засега и домашната економија - растот на задолжувањата може да се одрази негативно врз македонскиот јавен долг, а евентуалните нови позајмувања да стануваат поскапи.
Дома, инфлацијата не е мирна, а запловивме во година во која има повеќе предизвици. Ќе анализираме каква даночна политика ни треба и каква е приходната страна на буџетот од фискалната година која што заврши. Дали во собирањето на Данокот на додадена вредност (ДДВ) има сигнали кои се загрижувачки?
Македонската економија расте водена од домашната потрошувачка, а извозот е во грч од претходните и идни случувања во Германија и во Европската Унија. Ќе ја анализираме домашната трговија во контекст на новите случувања на глобално нво особено по засилувањето на царинските и трговските војни.
Цените на недвижностите се во вис, за што веќе пишувавме, но во Македонија пазарот на луксузни имоти доживува своевиден залет. Регионално нив ги купуваат инфлуенсери и нови криптобогаташи - како е во Македонија? Цената на златото е рекордно висока, правиме преглед колку нарасна вредноста на монетарното злато во девизните резерви.
Следната недела ќе анализираме и за тоа колку се реални цените на автомобилите, но и кои се најрастечки професии во светот, но и во Македонија.
Kвантни компјутери, мозочни импланти, повеќенаменски роботи и автономни асистенти за вештачка интелигенција - дали се ова работи кои тотално ќе ни го сменат животот. Подготвуваме анализа.
.webp){kind=icon}